जलगाव : दापोली-मंडणगड रोडवर माहळुंगे येथील माटवण फाट्यानजीक अवघड वळणावर एका दुचाकीस्वाराचा गाडीवरील ताबा सुटून तीन दुचाकी वाहने एकमेकांवर आदळून झालेल्या अपघातात सुयोग सुरेश सकपाळ (२४रा. करंजाणी) या तरुणाचा मृत्यू झाला. अपघातात अन्य एक तरुण गंभीर जखमी झाला आहे. ही घटना ९ नोव्हेंबर शनिवार रोजी सायंकाळी ७ वाजण्याच्या सुमारास घडली.
याबाबत दापोली पोलीस ठाण्यातून मिळालेल्या माहितीनुसार सुयोग सुरेश सकपाळ हा दुचाकी घेऊन दापोली मंडणगड रोडवरून जात असताना महाळुंगे येथील माटवण फाट्यानजीक एका अवघड वळणावर त्याचा आपल्या दुचाकीवरील ताबा सुटला त्याच्या दुचाकीने समोरून येणाऱ्या दुचाकीला जबर घडक दिली. यादरम्यान या सुयोग सकपाळ मार्गावरून येणाऱ्या दुचाकीचाही यावेळी अपघात झाला. यामध्ये सुयोग सकपाळ यांच्या डोक्याला जबर मार बसल्याने त्याचा दापोली उपजिल्हा रुग्णालयात उपचारादरम्यान मृत्यू झाला.
या अपघातात अथर्व संजय कालेकर (१७) हा गंभीर जखमी झाला. त्याच्यावर अधिक उपचार सुरू असून, या घटनेची खबर दापोली पोलीस ठाण्यात अथर्व कालेकर यांनी दिली आहे. या घटनेचा अधिक तपास महिला पोलिस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:31 AM 11/Nov/2024
