खेड : तालुक्यातील सार्पीली कातकरवाडी येथे बुधवारी दुपारी ११.३० वाजण्याच्या सुमारास एका गंभीर प्रकारची घटना घडली. पोलिसांनी एका व्यक्तीकडून विनापरवाना बंदूक आणि काडतूस जप्त केले. पोलिसांनी दिलेल्या माहितीनुसार, रवींद्र वसंत वाघ या ४५ वर्षीय व्यक्तीकडून ही बंदूक जप्त करण्यात आली आहे. वाघ याच्यावर भारतीय शस्त्र अधिनियम आणि महाराष्ट्र पोलिस अधिनियम अंतर्गत गुन्हा दाखल करण्यात आला आहे. जिल्हाधिकारी यांनी दिलेल्या आदेशानुसार, रत्नागिरी जिल्ह्यात ३ नोव्हेंबर ते १७ नोव्हेंबर या कालावधीत बंदूक ठेवण्यावर बंदी होती. तरीही वाघ याने ही बंदी तोडून बंदक ठेवली होती. पोलिसांनी त्याच्याकडून १२ बोअर सिंगल बॅरल बंदूक आणि चार काडतूस जप्त केले आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:57 AM 14/Nov/2024
