रत्नागिरी : शहरातील साळवी स्टॉप, आयटीआय रोड आणि मिरजोळे पाडावेवाडी येथील सार्वजनिक ठिकाणी मद्यप्राशन करणाऱ्या तिघांविरोधात शहर पोलिस ठाण्यात गुन्हा दाखल करण्यात आला आहे. ही कारवाई १ डिसेंबर रोजी दुपारी १ ते सायंकाळी ७ वा. कालावधीत करण्यात आली. सुरेश परशुम पाटील (४५, रा. नाचणे, रत्नागिरी), वैभव कृष्णा चव्हाण (२९, रा. खडपे वठार, रत्नागिरी) आणि नेहरु दिलीप राठोड (२६, मुळ रा. विजापूर, कर्नाटक सध्या रा. कुवारबाव, रत्नागिरी) अशी गुन्हा दाखल करण्यात आलेल्या तीन संशयितांची नावे आहेत. हे तिघेही आपल्याकडे दारु पिण्याचा कोणताही परवाना नसताना सार्वजनिक ठिकाणी दारु पिण्यासाठी बसलेले असताना ही कारवाई करण्यात आली. त्यांच्या विरोधात महाराष्ट्र दारुबंदी अधिनियम १९४९ कलम ८४ प्रमाणे गुन्हा दाखल करण्यात आला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:48 AM 03/Dec/2024
