बिग बॉस मराठीचा पाचवा सीझन लवकरच संपणार आहे. यावेळी १०० नव्हे तर ७० दिवसात शो संपतोय. सध्या घरात सदस्यांना त्यांचे कुटुंबीय भेटायला येत आहेत. तर आजच्या एपिसोडमध्ये सदस्यांना सरप्राईज मिळणार आहे.
कारण बिग बॉसच्या आधीच्या पर्वातले सदस्य अभिजीत बिचुकले (Abhijeet Bichukle) आणि राखी सावंत (Rakhi Sawant) हे घरात एन्ट्री करणार आहेत. राखीच्या येण्याने घरात सदस्यांचं चांगलंच मनोरंजन होणार आहे. तसंच तिला पाहताच निक्की तांबोळीची (Nikki Tamboli) काय अवस्था होते हे पाहायला मजा येणार आहे.
बिग बॉसच्या घरात निक्कीचा ठणाणा पाहता सर्वांनीच राखी सावंतला आणा अशी मागणी केली होती. अखेर ‘ड्रामा क्वीन’ राखीची घरात एन्ट्री होत आहे. कलर्सने नवीन प्रोमो शेअर केला आहे. यामध्ये घरातील सर्व सदस्यांना स्तब्ध होण्यास सांगितलं आहे. तेवढ्यात दार उघडतं आणि घरात राखी सावंतची एन्ट्री होते. गुलाबी ड्रेसमध्ये राखी डान्स करत येते. ‘हॅलो बिग बॉस तुमची पहिली बायको’ असं ती म्हणते. राखीला पाहताच सगळ्यांच्या चेहऱ्यावर हसू येतं. पण निक्की मात्र म्हणते, ‘हाय रब्बा’. राखी निक्कीला पाहताच म्हणते, ‘निक्की, सस्ती राखी सावंत. आता घरात चालणारे माझाच ठणाणाणा…निक्की तांबोळी, सोडून येणार तुला आंबोली.’
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:12 28-09-2024
