WTC Points Table Update after Gabba Test : टीम इंडिया आणि ऑस्ट्रेलिया यांच्यातील गाबा कसोटी अखेर अनिर्णित राहिली. खराब प्रकाश आणि पावसामुळे पाचव्या दिवसाच्या अंतिम सत्र रद्द करण्यात आले.
दरम्यान, आता हा प्रश्न तुमच्या मनात नक्कीच येत असेल की हा सामना अनिर्णित राहिल्यानंतर वर्ल्ड टेस्ट चॅम्पियनशिपच्या पॉइंट टेबलवर काय परिणाम झाला.
दक्षिण आफ्रिकेचा संघ अजूनही गुणतालिकेत अव्वल
भारत विरुद्ध ऑस्ट्रेलिया तिसरी कसोटी अनिर्णित राहिल्याने दक्षिण आफ्रिकेला सर्वाधिक फायदा झाला आहे. कारण हा संघ अजूनही पहिल्या क्रमांकावर कायम आहे. वर्ल्ड टेस्ट चॅम्पियनशिपच्या गुणतालिकेत दक्षिण आफ्रिकेचा संघ पहिल्या स्थानावर आहे. त्याची पीसीटी सध्या 63.33 आहे. सामना अनिर्णित राहिल्यानंतरही ऑस्ट्रेलियाचा संघ दुसऱ्या क्रमांकावर कायम आहे. ऑस्ट्रेलियाचे पीसीटी सध्या 60.71 आहे.
जर आपण टीम इंडियाबद्दल बोललो तर भारतीय संघाचा पीसीटी 57.29 आहे. भारतीय संघ तिसऱ्या क्रमांकावर आहे. अजूनही तो WTC फायनलमध्ये जाण्याची शक्यता आहे. या मालिकेतील उरलेले दोन सामने खूप महत्त्वाचे असतील, कारण भारत आणि ऑस्ट्रेलिया यांच्यातील कोणता संघ अंतिम फेरीसाठी आपले स्थान निश्चित करेल हे त्यावरून ठरेल.
अंतिम फेरीच्या शर्यतीत उरले तीन संघ
दक्षिण आफ्रिका, ऑस्ट्रेलिया आणि टीम इंडिया हे तीन संघ आता अंतिम फेरीच्या शर्यतीत उरले आहेत. दक्षिण आफ्रिकेच्या संघाच्या दोन कसोटी बाकी आहेत. हा संघ मायदेशात पाकिस्तानविरुद्ध दोन कसोटी सामन्यांची मालिका खेळणार आहे. जर दक्षिण आफ्रिकेने येथून एकही सामना जिंकला तर त्याचे अंतिम फेरीतील स्थान निश्चित होईल. या मालिकेत टीम इंडियाचे ऑस्ट्रेलियाविरुद्ध दोन सामने बाकी आहेत. जर आपण ऑस्ट्रेलियाबद्दल बोललो, तर भारताविरुद्ध दोन सामने खेळल्यानंतर संघ श्रीलंकेला जाईल आणि आणखी दोन कसोटी सामने खेळेल. जे ऑस्ट्रेलियासाठी खूप महत्वाचे असेल. म्हणजे कोणताही संघ येथे WTC फायनल खेळू शकतो.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:01 18-12-2024
