खेड आगारातून २७५ जादा बसेस

खेड : गणेशोत्सवासाठी आलेल्या चाकरमान्यांच्या परतीच्या प्रवासासाठी एसटी प्रशासनाने २७५ जादा बसफेऱ्या सोडल्या. महाडनाका येथील गोळीबार मैदानात जादा बसेस मार्गस्थ होत आहेत.

प्रवाशांच्या सोयीसाठी गोळीबार मैदानात विशेष कक्षही स्थापन करण्यात आला आहे. मुंबई, बोरिवली, ठाणे, विठ्ठलवाडी, कल्याण, नालासोपारा, पुणे आदी मार्गांवर जादा बसेस सोडण्यात आल्या. शुक्रवारीही सर्वाधिक जादा बसेस सोडण्यात आल्याचे एसटी प्रशासनाकडून सांगण्यात आले; मात्र येथील बसस्थानकात काही चाकरमानी पायपीट करत तर काही रिक्षांद्वारे आर्थिक भुर्दंड सहन करत गोळीबार मैदानात पोहोचावे लागले. प्रवाशांची मागणी वाढल्यास जादा बसेस सोडण्याची तयारी एसटी प्रशासनाने केली आहे

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:53 17-09-2024