◼️ ट्रम्प यांच्या पहिल्या भाषणात 10 मोठ्या घोषणा, जगाला भरली धडकी…
वॉशिंग्टन – अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांनी रविवारी रात्री त्यांच्या शपथविधी समारंभाच्या आधी वॉशिंग्टनमध्ये विजयी भाषण दिले. यादरम्यान त्यांनी जगात तिसरे महायुद्ध होण्यापासून रोखण्याचे आश्वासन दिले.
जग तिसऱ्या महायुद्धाच्या अगदी जवळ आल्याचा दावा त्यांनी केला.
इस्रायल व हमासमधील युद्धबंदीचे श्रेयही ट्रम्प यांनी घेतले. ते म्हणाले की, हा ट्रम्प इफेक्ट आहे. त्यांच्या निवडणुकीतील विजयानंतर अवघ्या ३ महिन्यांतच गाझामध्ये युद्धबंदी झाली. ट्रम्प यांनी युक्रेनमध्ये सुरू असलेले युद्ध आणि मध्य पूर्वेतील देशांमध्ये पसरलेला अराजकता थांबवण्यात येईल, असे सांगितले. आपल्या देशासमोरील प्रत्येक संकटाचे निराकरण करण्यासाठी ऐतिहासिक वेगाने आणि ताकदीने काम करेन. याचा प्रारंभ मेक्सिकन सीमा सील करण्यापासून सुरू केली जाईल, असेही ट्रम्प यांनी सांगितले.
ट्रम्प यांचे हे भाषण कॅपिटल वन अरेना येथे झाले. यावेळी हे मैदान खचाखच भरलेले होते. याशिवाय, कडाक्याच्या थंडीतही मोठ्या संख्येने लोक बाहेर उभे होते. (वृत्तसंस्था)
ही आश्वासने पूर्ण करणार?
१. सीमा बंद करून भिंत बांधणार आणि बेकायदेशीर स्थलांतर थांबविणार.
२. पश्चिम आशिया आणि युरोपमधील अर्थव्यवस्था यावर मार्ग काढणार.
३. रशिया-युक्रेन युद्ध थांबविणार.
४. महागाई पूर्णपणे संपविणार.
ट्रम्प म्हणाले…
आम्ही इतिहासातील सर्वांत मोठी हद्दपारी मोहीम सुरू करणार आहोत.
उद्यापासून आपण अमेरिकन ताकद, समृद्धी, प्रतिष्ठा आणि अभिमानाचा एक नवीन दिवस सुरू करणार आहोत.
आमच्या शाळांमध्ये देशभक्तीची भावना पुन्हा जागृत करू. डाव्यांना हाकलून लावू. आम्ही अमेरिकेला पुन्हा महान बनवू, असे ते म्हणाले.
शपथविधीनंतर 30 मिनिटांच्या भाषणात डोनाल्ड ट्रम्प यांनी अमेरिका फर्स्ट पॉलिसी अंतर्गत इतर देशांवर शुल्क लादण्याबाबत बोलले. त्याचवेळी त्यांनी अमेरिकेत फक्त स्त्री-पुरुष लिंग ओळखण्याची घोषणा केली.
ट्रम्प यांच्या पहिल्या भाषणात 10 मोठ्या घोषणा, जगाला भरली धडकी
1) यूएस सरकारसाठी फक्त 2 लिंग
डोनाल्ड ट्रम्प म्हणाले की, आजपासून अमेरिकन सरकारसाठी पुरुष आणि महिला असे दोनच लिंग असतील.
सर्व सरकारी सेन्सॉरशिप तत्काळ संपुष्टात आणण्यासाठी आणि अमेरिकेतील भाषण स्वातंत्र्य पुनर्संचयित करण्यासाठी मी कार्यकारी आदेशावरही स्वाक्षरी करेन.
का असं म्हणाले?
ट्रम्प यांनी निवडणूक प्रचारादरम्यान ट्रान्सजेंडर समुदायाविरोधात वक्तव्य केले होते. ट्रम्प यांचे संरक्षण मंत्री पिट हेगसेथ म्हणाले की, सैन्यात महिला आणि ट्रान्सजेंडरचा समावेश केल्याने अमेरिकेची सुरक्षा व्यवस्था कमकुवत होत आहे.
2) अवैध स्थलांतरितांना बाहेर काढण्याचे आश्वासन
बेकायदेशीर स्थलांतरितांच्या देशात प्रवेशावर बंदी घालणे आणि बेकायदेशीर स्थलांतरितांना पकडून त्यांना सीमेवर सोडण्याचे धोरण संपुष्टात आणण्याबाबत ट्रम्प यांनी बोलले. ते म्हणाले की, बिडेन प्रशासनाने बेकायदेशीरपणे आपल्या देशात घुसलेल्या धोकादायक गुन्हेगारांना आश्रय दिला आहे आणि संरक्षण दिले आहे.
का असं म्हणाले?
प्यू रिसर्च सेंटरच्या मते, अमेरिकेत जगातील सर्वाधिक स्थलांतरित आहेत. जगातील एकूण 20 टक्के स्थलांतरित फक्त अमेरिकेत राहतात. 2023 पर्यंत येथे राहणाऱ्या एकूण स्थलांतरितांची संख्या 4.78 कोटी होती. इतर देशांतील लोक बेकायदेशीरपणे अमेरिकेत प्रवेश करतात आणि गुन्हे करतात, असे ट्रम्प यांचे मत आहे.
3) मेक्सिको सीमेवर आणीबाणीची घोषणा
ट्रम्प यांनी अमेरिका-मेक्सिको सीमेवर (दक्षिणी सीमा) आणीबाणी लागू करण्याबाबत बोलले. येथून सर्व बेकायदेशीर प्रवेशांवर बंदी घालण्यात येणार असल्याचे त्यांनी सांगितले. गुन्हे करणाऱ्या परदेशी लोकांना सरकार त्यांच्या देशात परत पाठवेल.
का असं म्हणाले?
यूएस-मेक्सिको सीमेवरून येणाऱ्या अवैध स्थलांतरितांची वाढती संख्या हा अमेरिकेच्या राजकारणातील मोठा मुद्दा आहे. बेकायदेशीर स्थलांतरित आणि गुन्हेगार येथून अमेरिकेत प्रवेश करतात, असे ट्रम्प यांचे म्हणणे आहे. ट्रम्प या सीमेवर भिंत बांधण्याबाबत बोलले आहेत.
4) पनामा कालवा परत घेण्याची धमकी
ट्रम्प यांनी पनामा कालवा परत घेणार असल्याचे सांगितले. या कालव्यामुळे आम्हाला अत्यंत वाईट वागणूक दिली जात असल्याचे त्यांनी सांगितले. पनामा देशाला भेट म्हणून ती कधीच दिली नसावी. आज चीन पनामा कालवा चालवत आहे. ते आम्ही चीनला दिलेले नाही. आम्ही ते पनामा देशाला दिले. आम्ही ते परत घेणार आहोत.
का असं म्हणाले?
ट्रम्प म्हणतात की अमेरिकेने 1999 मध्ये हा कालवा पनामा देशाला भेट म्हणून दिला होता, परंतु तो आता चीनच्या ताब्यात आहे आणि अमेरिकन जहाजांना येथे जास्त कर भरावा लागतो.
5) गल्फ ऑफ मेक्सिकोचे नाव बदलण्याची घोषणा
ट्रम्प यांनी मेक्सिकोच्या आखाताचे नाव बदलून गल्फ ऑफ अमेरिका ठेवण्याची घोषणा केली. अमेरिकेचे आखाती हे नाव अधिक ‘सुंदर’ वाटते आणि तेच नाव ठेवणे योग्य आहे, असे ट्रम्प यांनी आधीच सांगितले आहे.
का असं म्हणाले?
ट्रम्प यांचा असा विश्वास आहे की या क्षेत्रात अमेरिकेची उपस्थिती जास्त आहे. अमेरिका या भागात सर्वाधिक क्रियाकलाप करते, त्यामुळे हे ठिकाण अमेरिकेचे आहे.
6) इतर देशांवर शुल्क लादण्याची घोषणा
ट्रम्प म्हणाले की, आतापर्यंत आपल्या देशातील सरकार इतर देशांना श्रीमंत करण्यासाठी आपल्या देशातील जनतेवर कर लावत असे. आम्ही हे बदलणार आहोत, आता आम्ही आमच्या देशातील लोकांना श्रीमंत करण्यासाठी इतर देशांवर शुल्क आणि कर लादणार आहोत.
का असं म्हणाले?
ट्रम्प यांनी अनेकवेळा म्हटले आहे की, अमेरिकेला इतर देशांसोबत दरवर्षी मोठ्या प्रमाणात व्यापार तूट सहन करावी लागते. निवडणुका जिंकल्यानंतर ब्रिक्स देशांवर 100 टक्के शुल्क लागू करण्याची धमकीही त्यांनी दिली होती. याशिवाय त्यांनी चीन, कॅनडा आणि मेक्सिकोवर भारी शुल्क लादण्याची धमकी दिली आहे.
7) अमेरिकेत इलेक्ट्रिक वाहनांचा अनिवार्य वापर संपला
डोनाल्ड ट्रम्प म्हणाले की त्यांचे सरकार ग्रीन न्यू डील समाप्त करेल. ट्रम्प यांनी इलेक्ट्रिक वाहनांची गरज संपुष्टात आणण्याबाबत बोलले. दुसऱ्या शब्दांत तुम्ही तुमच्या आवडीची कार खरेदी करू शकाल, असे ट्रम्प म्हणाले.
का असं म्हणाले?
ट्रम्प यांनी हवामान बदलावर वारंवार शंका व्यक्त केली आहे. ते जीवाश्म इंधनाचे समर्थक आहेत. 2016 मध्ये राष्ट्राध्यक्ष झाल्यानंतर त्यांनी 2015 च्या पॅरिस क्लायमेट डीलमधून अमेरिकेला बाहेर काढले.
8) आरोग्य व्यवस्था आणि शिक्षण व्यवस्थेवर टीका
ट्रम्प यांनी अमेरिकन आरोग्य व्यवस्थेवरही टीका केली. ते म्हणाले की, ही आरोग्य यंत्रणा आहे जी आपत्कालीन परिस्थितीत काम करत नाही. जगातील इतर कोठूनही यावर जास्त पैसा खर्च केला जातो. शिक्षण व्यवस्थेवरही त्यांनी टीका केली. ते म्हणाले की, आपल्या देशात अशी शिक्षण व्यवस्था आहे जी आपल्या मुलांना स्वतःची लाज बाळगायला शिकवते. पण आजपासून हे सगळं बदलणार आहे. ते खूप वेगाने बदलणार आहे.
का असं म्हणाले?
ट्रम्प यांचा असा विश्वास आहे की डेमोक्रॅट सरकारची आरोग्य धोरणे कठीण काळात देशाला मदत करत नाहीत. याशिवाय सरकारी विभाग आणि संस्थांवरील खर्च वाढतो. त्यांच्या पहिल्या कार्यकाळात त्यांनी माजी राष्ट्राध्यक्ष बराक ओबामा यांच्या ओबामाकेअर आरोग्य विमा पॉलिसीविरुद्ध आदेश पारित केला.
9) मंगळावर अंतराळवीर पाठवण्याची घोषणा
मंगळावरही अमेरिका आपला ध्वज लावणार असल्याचे ट्रम्प म्हणाले. ते म्हणाले की मंगळावर अमेरिकन तारेचा ध्वज लावण्यासाठी ते अंतराळवीर पाठवतील.
का असं म्हणाले?
ट्रम्प समर्थक आणि स्पेसएक्सचे मालक एलोन मस्क यांनी पृथ्वीबाहेर नवीन मानवी वसाहत स्थापन करण्याबाबत अनेकदा बोलले आहेत.. मंगळ ग्रहाबाबत ट्रम्प यांच्या घोषणेनंतर मस्क यांनी उभे राहून टाळ्या वाजवल्या.
10) विदेशी शत्रू कायदा 1798 लागू करण्याचे वचन
अमेरिकेतील परदेशी टोळ्यांना लक्ष्य करण्यासाठी 1798 च्या एलियन एनिमीज ॲक्टचा वापर करणार असल्याचे ट्रम्प यांनी सांगितले. या कायदेशीर अधिकाराचा वापर दुसऱ्या महायुद्धादरम्यान जपानी, जर्मन आणि इटालियन वंशाच्या गैर-अमेरिकन नागरिकांना ताब्यात घेण्यासाठी केला गेला. गुन्हेगारी टोळ्यांना परदेशी दहशतवादी संघटना म्हणून घोषित करण्यात येईल, असे ते म्हणाले.
का असं म्हणाले?
ट्रम्प यांनी दावा केला आहे की या कायद्यामुळे त्यांच्या सरकारला अनेक अधिकार मिळतील ज्याच्या मदतीने सर्व संशयित ड्रग टोळ्यांना अमेरिकेतून बाहेर फेकले जाऊ शकते.
ट्रम्प यांच्यासाठी पंतप्रधान मोदींचे पत्र घेऊन गेले भारताचे मंत्री जयशंकर
परराष्ट्र व्यवहारमंत्री एस जयशंकर हे पंतप्रधान नरेंद्र मोदी यांचे एक पत्र अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांच्यासाठी घेऊन गेले आहेत.
ट्रम्प यांच्या शपथविधी सोहळ्यात जयशंकर विशेष दूत म्हणून पंतप्रधान मोदींचे प्रतिनिधित्व करणार असल्याचे सूत्रांनी सांगितले. राष्ट्रपतींच्या शपथविधी समारंभात परराष्ट्रमंत्री जयशंकर यांची उपस्थिती सरकार प्रमुखांच्या शपथविधी समारंभांना उपस्थित राहण्यासाठी विशेष दूत पाठविण्याच्या भारताच्या सामान्य परंपरेनुसार आहे.
तीन लग्न आणि पाच मुले
ट्रम्प यांनी चेक ॲथलीट आणि मॉडेल इव्हाना झेलनिकोवाशी लग्न केले, परंतु १९९० मध्ये तिला घटस्फोट दिला. इव्हानापासून त्यांना तीन मुले आहेत. डोनाल्ड जुनियर, इवांका आणि एरिक अशी त्यांची नावे आहेत. यानंतर ट्रम्प यांनी १९९३ मध्ये अभिनेत्री मार्ला मपल्सशी लग्न केले, परंतु त्यांचा १९९९ मध्ये घटस्फोट झाला. यात त्यांना एक मूल झाले असून, तिचे नाव टिफनी आहे. ट्रम्प यांची सध्याची पत्नी मेलानिया ही एक माजी स्लोव्हेनियन मॉडेल आहे. ट्रम्प यांनी तिच्याशी २००५ मध्ये लग्न केले होते. यातून त्यांना एक मुलगा असून त्याचे नाव बॅरन विल्यम ट्रम्प असे आहे.
१०० हून अधिक आदेश
शपथ घेतल्यानंतर, ट्रम्प इमिग्रेशन, सीमा सुरक्षा, ऊर्जा आणि प्रशासनाशी संबंधित १०० हून अधिक कार्यकारी आदेशांवर स्वाक्षरी करतील. कार्यकारी आदेश म्हणजे राष्ट्राध्यक्षांनी एकतर्फी जारी केलेले आदेश. या आदेशांना कायद्याचे बळ आहे. यासाठी काँग्रेसच्या मंजुरीची आवश्यकता नाही. तथापि, त्यांना न्यायालयात आव्हान दिले जाऊ शकते. पहिल्या दिवशी सर्वाधिक कार्यकारी आदेशांवर स्वाक्षरी करण्याचा विक्रम सध्या बायडेन यांच्या नावावर आहे.
भारतीयाने बनविला ट्रम्प यांच्या चेहऱ्याचा ‘हिरा’
सुरत : सुरतमधील एका कंपनीने अमेरिकेचे राष्ट्राध्यक्ष डोनाल्ड ट्रम्प यांच्या चेहऱ्याच्या आकाराचा हिरा बनवला आहे. ग्रीनलॅब डायमंड्सने ट्रम्प यांच्या चेहऱ्यासारखा दिसणारा हा ४.३० कॅरेटचा प्रयोगशाळेत वाढवलेला हिरा तयार केला आहे. त्याची नेमकी किंमत जाहीर करण्यात आली नसली, तरी त्याची दुर्मीळ रचना पाहता याची किंमत २० लाखांपेक्षा जास्त असल्याचे समजते.
जगात तणाव वाढणार का?
ट्रम्प कॅनडाला अमेरिकेचे ५१ वे राज्य बनविण्याबाबत आणि ग्रीनलँड व पनामा कालव्यावर नियंत्रण मिळवण्याबाबत बोलले आहेत. त्यामुळे तणाव वाढण्याची भीती आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:58 21-01-2025
