Raigad fishing boat fire News : अलिबाग (Alibaug) जवळ समुद्रात मच्छीमार बोटीला आग ( fishing boat fire) लागल्याची घटना घडली आहे. भर समुद्रात बोटीने पेट घेतला आहे. या आगीत बोट 80 टक्के जळून खाक झाली आहे.
बोटीवरील जाळी देखील जळाली आहे. बोटीवर 18 ते 20 खलाशी असल्याची माहिती आहे. बोटीवरील सर्व खलाशी सुखरुप आहेत. आज सकाळी ही घटना घडली आहे.
पहाटे तीन ते चार वाजेचे दरम्यान बोटीला लागली आग
मिळालेल्या माहितीनुसार, साखर आक्षी गावातील राकेश मारुती गण यांच्या मालकीची ही बोट आहे. दरम्यान, आगीचे कारण अद्याप अस्पष्ट आहे. शॉर्ट सर्किटमुळं ही आग लागल्याची प्राथमिक माहिती मिळाली आहे. स्थानिकांच्या मदतीनं ही बोट किनाऱ्यावर आणली आहे. सध्या आग विझविण्याचं काम सुरु आहे. साखर आक्षी येथील राकेश गण यांच्या मच्छीमारी बोटीला समुद्रामध्ये सहा ते सात नोटिकल मैल अंतरावर पहाटे तीन ते चार वाजेचे दरम्यान इलेक्ट्रिक शॉक सर्किट होऊन आग लागल्याची माहिती मिळाली आहे. त्या ठिकाणी मदतीला कोस्ट गार्ड व नेवीच्या बोटी मदतीला पोहोचलेल्या असून सर्व खलाशी सुरक्षित आहेत.
भायखळामध्ये सॅलसेट बिल्डिंगला आग
भायखळा पूर्वेला असलेल्या न्यू ग्रेड इन्स्टा मिल जवळील सॅलसेट 27 या बिल्डिंगला आग लागल्याची घटना घडली आहे. ही आग लेवल वनची असल्याचं अग्निशमन दलाकडून सांगण्यात आला आहे. घटनास्थळी पाच अग्निशमन दलाच्या गाड्या दाखल झाले असून आगीवर नियंत्रण मिळवण्याचा काम सुरू आहे. सॅलसेट 27 ही रहिवासी इमारत असून 57 माळ्याची इमारत आहे. त्यातील 42 व्या माळ्यावर आग लागली असून आगीवर नियंत्रण मिळवण्याचे काम सुरू आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:49 28-02-2025
