बिग बॉस मराठीचा पाचवा सीझन आता अंतिम टप्प्यात आला आहे. उद्या बिग बॉस मराठीचा ग्रँड फिनाले होणार आहे. अभिजीत सावंत, अंकिता वालावलकर, जान्हवी किल्लेकर, सूरज चव्हाण, धनंजय पोवार आणि निक्की तांबोळी हे सदस्य बिग बॉस मराठीच्या पाचव्या सीझनचे फायनलिस्ट आहेत.
यापैकी कोण बिग बॉसच्या ट्रॉफीवर नाव कोरणार, याकडे सगळ्यांचं लक्ष लागून राहिलेलं आहे. अशातच घरातील सदस्यांना बिग बॉसकडून मोठं सरप्राइज मिळणार आहे.
बिग बॉस मराठीच्या यंदाच्या पर्वातील एक्स स्पर्धक घरातील सदस्यांना भेटण्यासाठी घरात येणार आहेत. याचा प्रोमो व्हिडिओ समोर आला आहे. आपल्याबरोबर घरात राहिलेल्या सदस्यांना पाहून स्पर्धकांच्या चेहऱ्यावर आनंद दिसत आहे. तेवढ्यातच अरबाज धावत बिग बॉसच्या घरात एन्ट्री घेत असल्याचं दिसत आहे. अरबाज घरात येताच निक्कीकडे जातो आणि तिला उचलून थेट बेडरुममध्ये घेऊन जात असल्याचं व्हिडिओत पाहायला मिळत आहे.
‘बिग बॉस’च्या घरातील फॅमिली वीक
अरबाज याने शोचा निरोप घेतल्यानंतर निक्कीचे आई-वडील तिला भेटण्यासाठी आले होते. तेव्हा अरबाज याचा साखरपुडा झाल्याचं समजलं आहे… असं निक्कीच्या आईने तिला सांगितलं. तेव्हा निक्की हिने देखील रागात अरबाजचं सर्व सामान फेकून दिलं आणि यापूढे अरबाज याच्यासोबत कोणताच संबंध ठेवणार नाही.. असं देखील निक्की म्हणाली होती.
यावर अरबाज याने स्पष्टीकरण देखील दिलं होत. माझा साखरपुडा झालेला नाही. शो संपल्यानंतर निक्की बाहेर येईल तेव्हा तिला सर्व काही सांगेल… असं अरबाज म्हणाला होता. अखेर घडलेल्या अनेक गोष्टींनंतर निक्की – अरबाज अखेर आमने – सामने आले आहेत. फिनालेला एक दिवस उरलेला असताना अरबाज आणि इतर स्पर्धकांनी देखील घरात एन्ट्री केली. अशात अरबाज याला पाहाताच निक्की नाराज होते. दोघांमध्ये बेडरुन एरियामध्ये संवाद देखील रंगतो. यावेळी निक्की आईने सांगितलेल्या सर्व गोष्टींचा जाब विचारताना दिसणार आहे. त्यामुळे अरबाज आता निक्की हिला काय सांगतो पाहणं महत्त्वाचं ठरणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:58 05-10-2024
