IPL 2025 All 10 Teams Captain : इंडियन प्रिमिअर लीग (IPL 2025) म्हणजेच आयपीएलच्या 18 व्या हंगामाचा बिगुल वाजलाय. आयपीएलमधील सर्व 10 संघांनी सराव करण्यास देखील सुरुवात केलीये. या नव्या हंगामात आयपीएलमध्ये (IPL 2025) 5 नव्या दमाचे युवा कर्णधार नेतृत्व करताना दिसणार आहेत.
दिल्ली कॅपिटल्सने कर्णधारपदाची धुरा फिरकीपटू आणि अष्टपैलू खेळाडू अक्षर पटेल याच्या खांद्यावर सोपण्याचा निर्णय घेतलाय. याशिवाय सर्व 10 संघांनी देखील त्याचे कर्णधार जाहीर केले आहेत.
Mark your calendars, folks!
— IndianPremierLeague (@IPL) February 16, 2025#TATAIPL 2025 kicks off on March
with a clash between @KKRiders and @RCBTweets
When is your favourite team's first match?pic.twitter.com/f2tf3YcSyY
आयपीएल 2025 मध्ये दिल्ली कॅपिटल्स, लखनौ सुपर जायंट्स, पंजाब किंग्स, रॉयल चैलेंजर्स बंगलोर आणि कोलकाता नाइट राइडर्स नव्या कर्णधारांसह मैदानात उतरणार आहे. दिल्लीने अक्षर पटेलवर, लखनौने ऋषभ पंतवर, पंजाब किंग्सने श्रेयस अय्यरवर, आरसीबीने रजत पाटीदार याच्यावर तर केकेआरने अजिंक्य रहाणेवर कर्णधारपदाची जबाबदारी सोपवली आहे.
आयपीएलमधी 10 संघांच्या कर्णधारांची यादी
1- दिल्ली कॅपिटल्स- अक्षर पटेल
2- सनराइजर्स हैद्राबाद- पैट कमिंस
3- रॉयल चैलेंजर्स बेंगलुरु- रजत पाटीदार
4- राजस्थान रॉयल्स- संजू सॅमसन
5- पंजाब किंग्स- श्रेयस अय्यर
6- लखनौ सुपर जायंट्स- ऋषभ पंत
7- मुंबई इंडियन्स- हार्दिक पंड्या
8- कोलकाता नाइट राइडर्स- अजिंक्य रहाणे
9- गुजरात टायटन्स- शुभमन गिल
10- चेन्नई सुपर किंग्स- ऋतुरात गायकवाड
22 मार्च पासून आयपीएलच्या 18 हंगामाला सुरुवात
आयपीएल 2025 च्या हंगामाला 22 मार्चपासून सुरुवात होणार आहे. यावेळी आयपीएलचे (IPL 2025) सर्व सामने एकूण 13 शहरांमध्ये खेळवले जाणार आहेत. आयपीएल 2025 चा पहिला सामना कोलकाता नाईट रायडर्स विरुद्ध रॉयल चॅलेंजर्स बेंगलोर या दोन संघांमध्ये रंगणार आहे. हा सामना 22 मार्च रोजी रात्री 7.30 वाजता सुरु होईल, तर नाणेफेक अर्ध्या तासापूर्वी म्हणजेच 7 वाजता सुरु होणार आहे. आरसीबीने यावेळी कर्णधारपदाची धुरा रजत पाटीदार यांच्यावर सोपवली आहे, तर केकेआरचं नेतृत्व अजिंक्य राहाणेकडे असणार आहे.
आयपीएल 2025 ची ओपनिंग सेरेमनी कधी होणार?
आईपीएल 2025 ची ओपनिंग सेरेमनी कोलकातामधील ईडन गार्डन स्टेडियमवर होणार आहे. आईपीएलच्या ओपनिंग सेरेमनी मध्ये बॉलीवूडचे अनेक कलाकार आणि सेलिब्रिटी परफॉर्म करताना दिसणार आहेत. मात्र, यावेळी कोण कोण उपस्थित राहणार? याबाबतची माहिती आत्तापर्यंत समोर आलेली नाही. आयपीएलच्या ओपनिंग सेरेमनीचा कार्यक्रम 22 मार्च रोजी रात्री 6 वाजता सुरु होईल.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:08 14-03-2025
