रत्नागिरी : शहरानजीकच्या कुवारबाव येथील बिल्डिंगच्या पार्किंगमधून अज्ञाताने 1 लाख 40 हजार रुपयांची बुलेट दुचाकी लांबवली. ही घटना शनिवार 15 मार्च रोजी रात्री 12.30 ते रविवार 16 मार्च रोजी सकाळी 8 वा. कालावधीत घडली आहे.
याबाबत विवेक विनायक नलावडे (43,रा.मलुष्टे नगर कुवारबाव,रत्नागिरी) यांनी शहर पोलिस ठाण्यात तक्रार दिली आहे. त्यानुसार, विवेक नलावडे यांनी ते रहात असलेल्या बिल्डिंगच्या पार्किंगमध्ये आपली बुलेट मेटिऑर दुचाकी पार्क करुन ठेवलेली होती. ती अज्ञाताने चोरुन नेली. रविवारी सकाळी विवेक नलावडे बिल्डिंगच्या पार्किंगमध्ये गेले असता त्यांना आपली दुचाकी दिसून आली नाही. त्यांनी आजुबाजुला दुचाकीचा शोध घेतला परंतू ति मिळून आली नाही. आपली दुचाकी चोरीला गेल्याचे लक्षात येताच त्यांनी रविवारी दुपारी 3 वा. शहर पोलिस ठाण्यात धाव घेत तक्रार दिली. याप्रकरणी अधिक तपास शहर पोलिस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:13 AM 18/Mar/2025
