चिपळूण : चिपळूण नगर परिषदेच्या माध्यमातून माझी वसुंधरा अभियान अंतर्गत नारायण तलाव येथे बीज संकलन केंद्र व रोपवाटिकेचा शुभारंभ मंगळवार दि. १८ रोजी सायंकाळी ४ वा. आयोजित करण्यात आला आहे. शहरात विविध ठिकाणी वृक्ष लागवड करणे, तसेच नवीन वृक्ष प्रजाती निर्माण करणे, त्यांची वाढ करणे या उद्देशाने न.प.ने शासनाच्या माझी वसुंधरा अभियान अंतर्गत विविध उपक्रम राबविण्यास सुरुवात केली आहे. त्या अंतर्गत आता नारायण तलाव येथे रोपवाटिका व बीज संकलन केंद्र सुरू होणार आहे. याचा शुभारंभ मुख्याधिकारी विशाल भोसले व मान्यवरांच्या उपस्थितीत होत आहे. तयार करण्यात आलेली रोपे न.प. मार्फत शहरातील नागरिकांना लागवडीसाठी दिली जाणार आहेत. तसेच न.प. मालकीच्या मोकळ्या व सुशोभित केलेल्या जागांवर त्याचप्रमाणे बगिचांमध्ये विविध प्रकारची वृक्ष लागवड होणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:25 AM 18/Mar/2025
