आज, २९ मार्च २०२५ रोजी, प्रणव पोळेकर यांचा ३८ वा वाढदिवस साजरा होत आहे. या खास निमित्ताने त्यांच्या पत्रकारितेतील दमदार वाटचालीचा आणि सामाजिक बांधिलकीचा आढावा घेणे म्हणजे एका निर्भीड, अभ्यासू आणि माणुसकीने ओतप्रोत भरलेल्या व्यक्तिमत्त्वाला सलाम करणे होय. प्रणव पोळेकर हे नाव आज महाराष्ट्रातील पत्रकारितेच्या क्षेत्रात एक मोठे नाव बनले आहे. त्यांच्या परखड मतांनी आणि धाडसी वृत्तीने त्यांनी अनेकांना न्याय मिळवून दिला आहे, तर त्यांच्या मृदू स्वभावाने असंख्य मित्र जोडले गेले आहेत.
पत्रकारितेची सुरुवात आणि शिक्षण
प्रणव पोळेकर यांनी २००३ साली दैनिक सागर या वृत्तपत्रातून आपल्या पत्रकारितेच्या कारकिर्दीला सुरुवात केली. गुहागर येथे जन्मलेल्या प्रणव यांचे प्राथमिक शिक्षण दापोली येथे झाले, तर पुणे येथे त्यांनी मास कम्युनिकेशन आणि जर्नालिझम मध्ये मास्टर्स पूर्ण केले. विशेष म्हणजे, पत्रकारितेसोबतच त्यांनी वकिलीचे शिक्षणही घेतले, ज्यामुळे त्यांच्या लेखनाला आणि विचारांना कायदेशीर दृष्टिकोनाची जोड देखील मिळाली. हा अभ्यासू स्वभावच त्यांना इतरांपेक्षा वेगळे ठरवतो.
पत्रकारितेतील दमदार पाऊलखुणा
दैनिक सागरमधून प्राथमिक धडे गिरवल्यानंतर प्रणव यांनी मुंबईतील एबीपी माझा या वृत्तवाहिनीत ३.५ वर्षे काम केले. त्यानंतर पुण्यात टीव्ही ९ मध्ये एक वर्ष ते कार्यरत राहिले. २०१४ पासून ते झी २४ तास या वृत्तवाहिनीचे रत्नागिरी प्रतिनिधी म्हणून कार्यरत आहेत. या काळात त्यांनी आपल्या झुंझार पत्रकारितेच्या माध्यमातून अनेक सामाजिक प्रश्नांना वाचा फोडली आणि जनतेला न्याय मिळवून दिला आहे.
प्रणव यांनी रत्नागिरीतील अंमली पदार्थांचे जाळे उघड करण्यासाठी मोठ्या धाडसाने स्टिंग ऑपरेशन केले. साताऱ्यातील एका गरीब मुलाच्या ऑपरेशनसाठी त्यांनी बातमीद्वारे २५ लाखांची आर्थिक मदत उभी केली. टीव्ही ९ मध्ये असताना त्यांनी महाराष्ट्रातील दुष्काळाचे वास्तव मांडले, ज्यामुळे बांगर वाडी हे गाव एका उद्योजकाने दत्तक घेतले. अशा अनेक घटनांमधून त्यांनी आपल्या पत्रकारितेची ताकद दाखवून दिली आहे.
प्रणव यांच्या या प्रेरणादायी कार्याची दखल घेत २०२४ साली महाराष्ट्र शासनाच्या अधिस्वीकृती समितीवर त्यांची सदस्य म्हणून निवड झाली. ही निवड त्यांच्या दमदार वाटचालीचा आणि विश्वासार्हतेचा पुरावा आहे. सर्वांशी मिळून मिसळून वागणारा, प्रत्येकाच्या हाकेला धावणारा आणि मृदू स्वभावाचा प्रणव अशी त्यांची ख्याती आहे. या गुणांमुळे त्यांनी अनेकांचे मन जिंकले आहे.
आज प्रणव पोळेकर यांच्या ३८ व्या वाढदिवसानिमित्त सर्वच स्तरांतून त्यांच्यावर अभिनंदनाचा वर्षाव होत आहे. त्यांच्या या प्रवासात त्यांनी केवळ पत्रकारितेच्या क्षेत्रातच नव्हे, तर सामाजिक कार्यातही आपली छाप सोडली आहे. त्यांचा हा वाढदिवस म्हणजे त्यांच्या कर्तृत्वाचा आणि माणुसकीचा उत्सव आहे.
प्रणव पोळेकर यांना वाढदिवसाच्या हार्दिक शुभेच्छा! त्यांची ही झुंझार वाटचाल अशीच अनेकांना प्रेरणा देत राहो आणि त्यांचे कार्य नव्या उंचीवर पोहोचो, हीच सदिच्छा!
हेमंत वणजु
संपादक : रत्नागिरी खबरदार
