Most unclean part in Body : आपण सगळेच रोग वेगवेगळे आजार टाळण्यासाठी किंवा त्वचेवर होणारे इन्फेक्शन टाळण्यासाठी शरीराची स्वच्छता करतो, रोज आंघोळ करतो. पण असेही काही लोक आहेत जे रोज आंघोळ करत नाहीत, तसेच शरीराची स्वच्छता करत नाहीत.
ज्यामुळे त्यांना वेगवेगळ्या समस्या होतात. मात्र, तरी सुद्धा रोज आंघोळ करणारे लोक एक चूक करतात. सामान्यपणे लोक डोळे, चेहरा, बगल, केस यांच्या स्वच्छतेवर अधिक भर देतात. पण अशा एका अवयवाची स्वच्छता विसरतात जो शरीरातील सगळ्यात अस्वच्छ असतो.
साबण, शाम्पू, फिटकरी लावून शरीराची खूप स्वच्छता केल्यानंतरही असा भाग राहतो ज्याची पूर्णपणे स्वच्छता होत नाही. या भागामध्ये अब्जो बॅक्टेरिया राहतात आणि आपल्याला माहितही नसतं. हा दावा आमचा नाही तर रिसर्चमधून समोर आला आहे.
नाभि सगळ्यात अस्वच्छ अवयव
2012 मध्ये पीएलओएस वनमध्ये प्रकाशित एका शोधानुसार, आपल्या नाभिमध्ये 2, 368 प्रकारचे बॅक्टेरिया असतात. यातील अनेक म्हणजे 1,458 प्रजाती वैज्ञानिकांसाठी नव्या आहेत. इथे सगळ्यात जास्त घाम येतो. नाभि स्वच्छ करणंही सोपं नसतं. कारण आत खड्डा असतो. त्यामुळे यातून दुर्गंधी येते आणि इथे बॅक्टेरिया वाढतात.
नाभि एक घाव…
विज्ञान सांगतं की, नाभि मुळात शरीरावरील एक घाव आहे. हा घाव तेव्हा तयार होतो जेव्हा बाळ आपल्या आईपासून वेगळं होतं. नाभि सामान्यपणे आतल्या बाजूने खोल असते.
काय करावा उपाय?
टोरांटोमध्ये डीएलके कॉस्मेटिक डर्मेटोलॉजी आणि लेजर क्लीनिकच्या त्वचा एक्सपर्टनुसार, नाभि बॅक्टेरियासाठी एक आदर्श प्रजनन स्थळ आहे. जर तुमचं वजन जास्त असेल, टाइप 2 डायबिटीस किंवा नाभिमध्ये छिद्र असेल तर नाभि स्वच्छ करण्यासाठी वॉशक्लॉथचा वापर केला जाऊ शकतो.
डॉक्टरांनी सल्ला दिला आहे की, जर कधी नाभिमध्ये खाज आली, नाभि लाल झाली, वेदना होत असेल किंवा दुर्गंधी येत असेल तर वेळीच सावध व्हा. असं काही इन्फेक्शन झालं तर वेळीच डॉक्टरांचा सल्ला घ्यावा.
एक्सपर्टनुसार, नाभिची स्वच्छता करण्यासाठी स्वच्छ कापडाचा वापर करा. कपडा गरम पाण्यात बुडवून आणि सोप वॉटरचा वापर करून नाभि स्वच्छ केली जाऊ शकते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:20 02-04-2025
