दापोली : तालुक्यातील बुरोंडी येथील मच्छीच्या ओट्यांचे झालेले बांधकाम निकृष्ट दर्जाचे झाले असून, या कामाची चौकशी करण्यात यावी, अशी मागणी दापोलीतील मयूर मोहिते यांनी सार्वजनिक बांधकाम विभागाचे मुख्य अभियंता व पत्तन विभाग यांच्याकडे केली होती. त्यानुसार गुरुवारी (ता. ३) कोकण भवन येथील सार्वजनिक बांधकाम विभागाच्या दक्षता व गुणनियंत्रण पथकाने प्रत्यक्ष बुरोंडी येथे येऊन पाहणी केली. मात्र तक्रारदार मोहिते यांनी केलेल्या तक्रारीनुसार पाहणी केली नसल्याचा आरोप केला. त्यानंतर त्यांनी दुपारपासून दापोलीतील पत्तन विभाग कार्यालयासमोर ठिय्या आंदोलन सुरू केले आहे.
पत्तन विभागाचे स्थापत्य अभियांत्रिकी सहाय्यक राकेश जाधव यांच्या अखत्यारित करण्यात आलेली सर्व कामे ही सरकारी नियमांस अनुसरून केली गेली नाहीत. या कामांची चौकशी करावी या मागणीसाठी मोहिते यांनी वारंवार उपोषण केले. २६ जानेवारी २०२५ रोजी केलेल्या उपोषणादरम्यान मोहिते यांना पाजपंढरी व बुरोंडी येथे करण्यात आलेल्या कामांची दक्षता व गुणनियंत्रण विभागाकडून तपासणी केली जाईल, असे लेखी आश्वासन देण्यात आले होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:48 AM 04/Apr/2025
