मुंबई – बिग बॉस मराठीचं पाचवं पर्व जोरदार चर्चेत आहे. या पर्वाचा ग्रँड फिनालेसुद्धा पार पडला असून विजेताही समोर आला आहे. बिग बॉस मराठीच्या घरात सहभागी झालेली इन्फ्लुएन्सर अंकिता प्रभू वालावलकर म्हणजेच कोकण हार्टेड गर्ल कायमच चर्चेत राहिली आहे. अंकिताने बिग बॉसच्या घरात प्रवेश करण्यापूर्वी एक पोस्ट शेअर केली होती. या पोस्टमध्ये तिने तिच्या बॉयफ्रेंडसोबतच्या हाताचा फोटो शेअर केला होता. या पोस्टमुळे अंकिताचा बॉयफ्रेंड कोण असेल याबद्दल उत्सुकता सर्वांनाच लागली होती. अशातच आता एका मुलाखतीदरम्यान अंकिताने तिच्या लग्नाबद्दल खुलासा केला आहे.
राजश्री मराठीला दिलेल्या मुलाखतीमध्ये अंकिताला तिच्या बॉयफ्रेंडबद्दल प्रश्न विचारण्यात आला. त्यावर ती म्हणाली की, ‘मी ठरवलं होतं की मी बिग बॉसमध्ये रिव्हील करेन आणि त्याला सांगितलं होतं की, मी त्या लेव्हलला जर पोहोचले तर मला तुझी गरज लागेल. पण लवकरच आता उरकून टाकते आणि तो इंडस्ट्रीमधलाच आहे. त्यामुळे लवकरच कळेल.’
पुढे अंकिताने इट्स मज्जाला सुद्धा मुलाखत दिली. या मुलाखतीदरम्यान अंकिता म्हणाली की, ‘लवकरच कोकण हार्टेड गर्लचं लग्न असणार आहे आणि असं नाहीये की मी ते लपवून ठेवतेय. पण माझ्यामुळे काही गोष्टींवर परिणाम होऊ नये, कारण आम्ही एकाच इंडस्ट्रीतले आहोत. पण त्याचं काम वेगळंय आणि माझं काम वेगळंय. आता मी अशा शोमधून ज्यामुळे मला स्थिर व्हायला थोडा वेळ लागेल आणि मला कोणता नवीन प्रोजेक्ट मिळाला की मी लवकरच रिव्हील करेन.’
दरम्यान, अंकिता प्रभू वालावलकर बिग बॉस मराठीच्या पाचव्या पर्वाच्या टॉप ६ सदस्यांपैकी एक होती. तिने तिच्या खेळाने प्रेक्षकांची मनं जिंकली. मात्र, ग्रँड फिनालेमध्ये झालेल्या दुसऱ्या एलिमिनेशनमध्ये ती एलिमिनेट झाली. घराबाहेर आल्यानंतर आता अंकिता बॉयफ्रेंडला कधी जगासमोर आणेल याकडे चाहत्यांचं लक्ष वेधलं आहे. त्यामुळे सगळेच अंकिताच्या होणाऱ्या नवऱ्याला पाहण्यासाठी आतुर आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:19 08-10-2024
