दापोली, 06 मे 2025 : दापोली ते दाभोळ रोडवरील केळस्कर नाक्यावर मुख्य रस्त्यावर चुकीच्या पद्धतीने गाडी उभी करून वाहतुकीला अडथळा निर्माण करणाऱ्या व्यक्तीविरुद्ध दापोली पोलिसांनी गुन्हा दाखल केला आहे. या घटनेमुळे वाहनचालक आणि पादचाऱ्यांना धोका निर्माण झाला होता.
5 मे 2025 रोजी सायंकाळी 7:15 वाजण्याच्या सुमारास ही घटना घडली. दापोली पोलीस ठाण्याचे पोलीस कॉन्स्टेबल प्रविण कैलास क्षिरसागर (पोकॉ/1617) यांना गस्ती दरम्यान माहिती मिळाली की, केळस्कर नाक्यावर मुख्य रस्त्यावर एक गाडी अडथळा निर्माण करत आहे. पोलिसांनी घटनास्थळी जाऊन पाहणी केली असता, टाटा एस चारचाकी गाडी (क्र. MH-08-AP-0331) रस्त्यावर अशा पद्धतीने उभी होती की, त्यामुळे वाहनांना आणि पादचाऱ्यांना धोका निर्माण झाला होता. गाडीचा चालक रामेश्वर बॅरबिचंद्र चौधरी (वय 40, रा. उदयनगर, दापोली) हा गाडी उभी करून तिथून निघून गेला होता.
गुन्हा दाखल : फिर्यादी प्रविण क्षिरसागर यांच्या तक्रारीनुसार, 5 मे 2025 रोजी रात्री 10:24 वाजता दापोली पोलीस ठाण्यात गुन्हा रजिस्टर क्रमांक 87/2025 अंतर्गत भारतीय दंड संहिता 2023 चे कलम 285 अन्वये गुन्हा दाखल करण्यात आला. दापोली पोलिसांनी नागरिकांना वाहने रस्त्यावर योग्य ठिकाणी आणि नियमांचे पालन करून उभी करण्याचे आवाहन केले आहे. चुकीच्या पद्धतीने वाहन उभे केल्याने वाहतूक कोंडी आणि अपघातांचा धोका वाढतो, असे पोलिसांनी सांगितले. या प्रकरणाचा पुढील तपास दापोली पोलीस ठाणे करत आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:03 AM 06/May/2025
