रत्नागिरी : येथील संपर्क युनिक फाउंडेशन या एनजीओतर्फे गरजू विद्यार्थ्यांना मोफत शैक्षणिक साहित्याचे वाटप करण्यात आले.
संपर्क युनिक फाउंडेशन गेली 7 वर्षे विविध क्षेत्रात सामाजिक कार्य करीत आहे, रत्नागिरी जिल्हा शासकीय रुग्णालयात रुग्णांची सेवा व मार्गदर्शन संस्थेच्या रुग्ण मदत केंद्रातून गेली सात वर्षे अव्याहतपणे विनामूल्य करीत आहे.
विद्यार्थ्यांच्या शैक्षणिक प्रगतीसाठी यावर्षी रत्नागिरी शहर व ग्रामीण भागातील पाचवी ते दहावीच्या गरजू विद्यार्थ्यांची निवड करून त्यांना त्यांच्या इयत्तेनुसार पुस्तके व अभ्यासक्रमाचे ॲप देण्यात आले. संपूर्ण वर्षभरासाठी हा अभ्यासक्रम असणार आहे. शिवाय त्यांना दररोज शैक्षणिक मार्गदर्शन करण्यात येणार आहे. एका विद्यार्थ्यांला या उपक्रमाची फी १५ हजार रुपये आहे. अशा ५० विद्यार्थ्यांना हे अभ्यासक्रम संपर्क युनिक फाउंडेशनतर्फे मोफत देण्यात आले.
यासाठी संपर्क युनिक फाउंडेशनचे मुंबईचे अध्यक्ष फिरोज कोंडकरी, एनकेसीएल कंपनीचे डायरेक्टर अक्षय अरोरा यांनी नववी-दहावीचे २० विद्यार्थी, यश नॅन्सी यांनी 7 विद्यार्थी,मनीष भतीजा यांनी पाचवी ते आठवीच्या 6 विद्यार्थ्यांकरिता व इतर दानशूर व्यक्तींकडून पुणे येथील प्रसिद्ध उद्योजक नीलेश खेडेकर यांनी शिक्षण क्षेत्रात क्रांती घडविणारे सुरू केलेले क्यूआर कोड बेस्ड व्हिडीओ व्हिज्युलायझेशन मोबाइल ॲप उपलब्ध करून दिली व सोबत पाठ्यपुस्तके दिली. या उपक्रमाला एनकेसीएल एज्युटेकचे डायरेक्टर सलीम शेख यांनी पालक आणि मुले यांना या ॲपबाबत आणि अभ्यासाबाबत मौलिक मार्गदर्शन केले. मुलांच्या पालकांनी या उपक्रमाचे स्वागत करून गरजू विद्यार्थ्यांना ही महागडी सोय मोफत उपलब्ध करून दिल्याने आभार व्यक्त केले.
अशाच प्रकारे विविध घटकांना त्यांच्या गरजेनुसार संपर्क युनिक फाउंडेशन उपक्रम हाती घेणार असून यासाठी दानशूर व्यक्तींनी संस्थेला आर्थिक सहकार्य करण्याचे आवाहन संस्थेचे अध्यक्ष शकील गवाणकर यांनी 9423292674 या मोबाइल क्रमांकावर संपर्क करण्याचे आवाहन केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:13 29-05-2025
