स्टाफ सिलेक्शन कमिशन (SSC) ने केंद्र सरकारच्या विविध विभागांमध्ये निवड पदांसाठी (Selection Posts) मेगा भरतीची घोषणा केली आहे. जाहिरात क्रमांक फेज- XIII/ २०२५ /सिलेक्शन पोस्ट्स नुसार, देशभरातील विविध पदांसाठी ही भरती प्रक्रिया राबवण्यात येत आहे. विशेष म्हणजे, यात महाराष्ट्र आणि गुजरातसाठी एकूण 483 रिक्त जागांचा समावेश आहे, ज्यामुळे पश्चिम रिजनमधील उमेदवारांना सरकारी नोकरीची उत्तम संधी मिळाली आहे.
या भरतीची सविस्तर जाहिरात SSC च्या अधिकृत वेबसाइट्स https://ssc.gov.in आणि sscwr.net वर 2 जून 2025 रोजी प्रसिद्ध करण्यात आली आहे. लवकरच ती एम्प्लॉयमेंट न्यूजमध्ये देखील प्रकाशित केली जाईल.
महत्वाचे मुद्दे:
- पदांची संख्या: देशभरात विविध पदे असून, महाराष्ट्र आणि गुजरातमध्ये एकूण 483 रिक्त जागा आहेत. या जागा 51 विविध प्रवर्गांमध्ये समाविष्ट आहेत.
- अर्ज करण्याची पद्धत: अर्ज केवळ ऑनलाइन पद्धतीने स्वीकारले जातील. उमेदवारांनी SSC च्या अधिकृत वेबसाइट https://ssc.gov.in/ वर जाऊन अर्ज सादर करायचा आहे.
- अर्ज करण्याची अंतिम तारीख: ऑनलाइन अर्ज सादर करण्याची शेवटची तारीख 23 जून 2025 आहे. उमेदवारांनी अंतिम मुदतीपूर्वी अर्ज करणे आवश्यक आहे. प्रत्यक्ष अर्ज स्वीकारले जाणार नाहीत.
- अधिक माहितीसाठी: पात्रता अटी, निवड प्रक्रिया, परीक्षेची तारीख आणि इतर तपशिलांसाठी, इच्छुक उमेदवारांनी SSC च्या वेबसाइटवरील सविस्तर भरती सूचना पाहणे आवश्यक आहे.
ही केंद्र सरकारमधील नोकरी मिळवण्याची एक चांगली संधी आहे. त्यामुळे, पात्र उमेदवारांनी वेळेत अर्ज करून या संधीचा लाभ घ्यावा. अधिक माहितीसाठी SSC च्या अधिकृत वेबसाइटला भेट द्या.
