रत्नागिरी, (प्रतिनिधी): रत्नागिरी सिव्हील हॉस्पिटलमध्ये बेडसोर आणि अशक्तपणामुळे एका ४६ वर्षीय मतिमंद महिलेचा उपचारादरम्यान मृत्यू झाला आहे. ही दुर्दैवी घटना ९ जून २०२५ रोजी सकाळी ११.४५ वाजता घडली.
मिळालेल्या माहितीनुसार, मृत महिला मतिमंद होती आणि तिला बेडसोरचा आजार जडला होता. या आजारामुळे तिच्या शरीरावर जखमा झाल्या होत्या. तसेच, गेल्या आठ दिवसांपासून तिने जेवणखाणे सोडल्यामुळे ती खूप अशक्त झाली होती.
तिची नातेवाईक असलेल्या खबर देणाऱ्या महिलेने तिला ८ जून २०२५ रोजी सायंकाळी ४ वाजता उपचारासाठी रत्नागिरी सिव्हील हॉस्पिटलमध्ये दाखल केले होते. तिच्यावर उपचार सुरू असतानाच, ९ जून २०२५ रोजी सकाळी ११.४५ वाजता सिव्हील हॉस्पिटलच्या वैद्यकीय अधिकाऱ्यांनी तिला मृत घोषित केले.
या घटनेची माहिती ९ जून २०२५ रोजी सायंकाळी ५ वाजून ३७ मिनिटांनी पोलिसांना देण्यात आली. रत्नागिरी शहर पोलिसांनी या प्रकरणी आमृ. क्रमांक ५६/२०२५ बी.एन.एस.एस १९४ प्रमाणे आकस्मिक मृत्यूची नोंद केली आहे. या घटनेमुळे हळहळ व्यक्त होत आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:49 10-06-2025
