देवरुख : देशाचे माजी राष्ट्रपती व भारतरत्न डॉ. ए. पी. जे. अब्दुल कलाम यांच्या जयंतीनिमित्त मंगळवारी देवरुखच्या सद्‌गुरू लोकमान्य वाचनालयात वाचन प्रेरणा दिन साजरा केला जाणार आहे.
या दिवशी ग्रंथालयामध्ये विविध कार्यक्रमांचे आयोजन करण्यात आले आहे. सकाळी ९. ३० वाजता बालसाहित्य ग्रंथ प्रदर्शन आणि भारतरत्न डॉ. कलाम यांना अभिवादन करण्यात येणार आहे. दुपारी २ वाजता इयत्ता पाचवी ते सातवीमधील मुलांसाठी अभिवाचन स्पर्धा होणार आहे. सर्व कार्यक्रमाला सभासद, वाचक यांनी उपस्थित राहावे, असे आवाहन अध्यक्ष गजानन जोशी यांनी केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:33 15-10-2024
