कोल्हापूर : २२ जून रोजी कोल्हापूर येथील सागर पाटील जलतरण तलावावर पार पडलेल्या द्रोणाचार्य ॲक्वाटिक चॅम्पियनशिपमध्ये रत्नागिरीच्या एक्वा टेक्निक्स स्विमिंग अकॅडमीने २३ पदकांची कमाई करत आपले वर्चस्व सिद्ध केले. सातारा, सांगली, कोल्हापूर, रायगड, रत्नागिरी आणि सिंधुदुर्ग अशा विविध जिल्ह्यांमधून १५० हून अधिक जलतरणपटूंनी या स्पर्धेत सहभाग घेतला होता, त्यापैकी रत्नागिरीच्या १७ स्पर्धकांचा चमू लक्षवेधी ठरला.
एक्वा टेक्निक्स अकादमीच्या जलतरणपटूंनी पदकांचा पाऊस पाडला, ज्यात अनेक सुवर्ण, रौप्य आणि कांस्य पदकांचा समावेश आहे.
विजयी स्पर्धक आणि त्यांची पदके:
क्रिशांग पखाले (११ वर्षांखालील): १ सुवर्ण, २ रौप्य, २ कांस्य पदके.
आज्ञा शिंदे (९ वर्षांखालील): १ सुवर्ण, १ रौप्य, २ कांस्य पदके.
केदार सुर्वे (७ वर्षांखालील): १ कांस्य पदक.
सोहम मंजुळे (१९ वर्षांखालील): १ रौप्य, ३ कांस्य पदके.
सुमेध मोहिते सर (३५ वर्षांवरील): २ रौप्य, १ कांस्य पदक.
रूपेश शेलार (३५ वर्षांवरील): १ रौप्य, १ कांस्य पदक.
विवेक विलणकर (३५ वर्षांवरील): ४ सुवर्ण पदके आणि वैयक्तिक चॅम्पियनशिपचा मान पटकावला.
याव्यतिरिक्त, सानवी साळवी, सानवी चव्हाण, रुद्र शेट्ये, आयुष चव्हाण, रत्नराज पाटील, रुद्र लाड, हर्ष शेलार, भावेश कोंडे, श्रीयांश वाघाटे आणि आदित्य राणे या स्पर्धकांनीही स्पर्धेत सहभाग घेऊन उत्कृष्ट कामगिरी केली.
सर्व विजयी आणि सहभागी स्पर्धकांना NIS प्रशिक्षक विवेक विलणकर सर यांचे मोलाचे मार्गदर्शन लाभले, ज्यामुळे रत्नागिरीच्या जलतरणपटूंनी ही चमकदार कामगिरी केली.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:47 25-06-2025
