रत्नागिरी : शहरातील कुवारबाव, गवळीवाडा ते धनजीनाका, मच्छीमार्केट ते चर्चरोड येथे वाहतुकीस अडथळा होईल, असे वाहन पार्क केले. या प्रकरणी शहर पोलिसांत तीन संशयित चालकांविरुद्ध गुन्हा दाखल केला आहे.
रवींद्र महादेव जाधव (वय ४६, रा. सैतवडे, रत्नागिरी), भाग्यवान संतोष कवितके (वय ४१, रा. माळनाका, रत्नागिरी), अनिल तानू कावणकर (४६, रा. अडूर, ता. गुहागर, रत्नागिरी) अशी संशयित चालकांची नावे आहे. या घटना गुरुवारी (ता. १०) दुपारी दीड ते सायंकाळी सहाच्या सुमारास कुवारबाव, धनजीनाका, चर्चरोड येथील सार्वजनिक रस्त्यावर निदर्शनास आल्या. पोलिसांकडून मिळालेल्या माहितीनुसार, संशयित रवींद्र जाधव यांनी टेम्पो ट्रॅव्हल्स (क्र. एमएच-०८ इडब्ल्यू ५४९५) दुपारी दीड वाजता कुवारबाव येथील इंडियन ऑईल पेट्रोलपंपसमोर अडथळा होईल, अशी लावून ठेवली. भाग्यवान कवितके यांनी पिकअप गाडी (एम. एच -०८ डब्ल्यू ५१४९) ही धनजीनाका रस्त्यावर तर अनिल कावणकर यांनी टेम्पो (क्र. एमएच-०८ डब्ल्यू ६५९९) मच्छीमार्केट ते चर्चरोड जाणाऱ्या रस्त्यावर वाहतुकीस अडथळा होईल, असे वाहन पार्क केले.
या प्रकरणी पोलिस हेडकॉन्स्टेबल महेंद्र खापरे, वैभव नार्वेकर, प्रमोद कांबळे यांनी शहर पोलिसांत तक्रार दिली.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:56 12-07-2025
