मुंबई :महाराष्ट्र गृहनिर्माण व क्षेत्रविकास प्राधिकरणाचा (म्हाडा) विभागीय घटक कोकण गृहनिर्माण व क्षेत्रविकास मंडळातर्फे ठाणे शहर व जिल्हा, वसई (जि. पालघर) येथील विविध गृहनिर्माण योजनेअंतर्गत 5285 सदनिका आणि ओरोस (जि.सिंधुदुर्ग), कुळगाव-बदलापूर येथील 77 भूखंड विक्रीकरिता आयोजित सोडतीसाठी अर्ज नोंदणी व अर्ज भरणा प्रक्रिया सुरु झाली आहे. 14 जुलैपासून सोडतीसाठी अर्ज करण्याची प्रक्रिया सुरु झाली असून अर्ज करण्याची अंतिम तारीख 13 ऑगस्ट 2025 पर्यंत आहे. कोकण मंडळाच्या घरांसाठी ज्यांना अर्ज करायचा आहे त्यांना या प्रक्रियेचं संपूर्ण वेळापत्रक माहिती असणं आवश्यक आहे.
सोडतीचे वेळापत्रक
सोडतीसाठी ऑनलाईन अर्ज व स्विकृतीचीसुरूवातः 14/07/2025दु. 1.00 वा. पासून
ऑनलाईन अर्ज पेमेंटस्विकृतीची सुरुवात : 15/07/2025दु. 12.00 वा. पासून
ऑनलाईन अर्जासाठी नोंदणीची शेवटची तारीख व वेळ: 13/08/2025 रात्री 11.59 वा. पर्यंत
ऑनलाईन सर्व प्रकारच्या पेमेंटस्विकृतीसाठी शेवटचा दिनांक व वेळ : 14/08/2025 रात्री 11.59 वा. पर्यंत
सोडतीसाठी स्विकृत अर्जाच्या प्रारूप यादीची प्रसिद्धीः21/08/2025सायं. 06.00 वा. पर्यंत
प्रारूप यादी प्रसिद्ध झाल्यापासून ऑनलाइन दावे-हरकती दाखल करण्याचा अंतिम दिनांक व वेळः 25/08/2025सायं. 06.00 वा. पर्यंत
सोडतीसाठी स्विकृत अर्जाच्या अंतिम यादीची प्रसिद्धीः 01/09/2025सायं. 06.00 वा.
सोडत दिनांक व वेळः03/09/2025 सकाळी 10.00 वा. (डॉ. काशिनाथ घाणेकर नाट्यगृह, ठाणे)
सोडतीमधील यशस्वी अर्जदारांची नावे म्हाडाच्या संकेतस्थळावर प्रसिद्ध करणेः 03/09/2025सायं. 06.00 वा.
अर्ज कुठं करायचा?
म्हाडा सोडतीसाठी अर्ज करण्याकरिता https://housing.mhada.gov.in हे अधिकृत संकेतस्थळ असून या व्यतिरिक्त कुठल्याही अनधिकृत संकेतस्थळावर अर्जदारांनी सोडतीत सहभाग घेऊ नये, कोणतीही वैयक्तिक माहिती देऊ नये तसेच कोणतेही आर्थिक व्यवहार करू नये, असे म्हाडाकडून सांगण्यात आलं आहे.सदनिकांच्या विक्रीकरिता मंडळाने कोणालाही प्रतिनिधी, सल्लागार व प्रॉपर्टी एजंट नेमलेले नाही. त्यामुळे अर्जदाराने कोणत्याही त्रयस्थ /दलाल/ मध्यस्थ व्यक्तीच्या प्रलोभनांना बळी पडू नये. तसेच अशा प्रकारच्या गैरव्यवहारास अथवा फसवणुकीस कोकण मंडळ अथवा म्हाडा अथवा मंडळाचे प्रशासन जबाबदार राहणार नाही, असं सांगण्यात आलं आहे.
कोकण मंडळाच्या लॉटरीची सविस्तर माहिती
कोकण मंडळातर्फे जाहीर करण्यात आलेली ही सोडत पाच घटकांमध्ये विभागण्यात आली आहे. 20 टक्के सर्वसमावेशकयोजनेअंतर्गत एकूण 565सदनिका, 15 टक्के एकात्मिक शहर गृहनिर्माणयोजनेअंतर्गत3002सदनिका, म्हाडा कोकण मंडळ गृहनिर्माण योजना व विखुरलेल्या सदनिका आहे त्या स्थितीमध्ये या योजनेअंतर्गत1677सदनिका, म्हाडा कोकण मंडळ गृहनिर्माणयोजनेअंतर्गत (50 टक्के परवडणाऱ्यासदनिका) 41सदनिका विक्रीसाठी उपलब्ध आहेत. तसेच म्हाडा कोकण मंडळ गृहनिर्माणयोजनेअंतर्गत77भूखंड विक्रीसाठी उपलब्ध आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:46 16-07-2025
