कोंढे : रिगल एज्युकेशन सोसायटी चिपळूण संचालित, रिगल पब्लिक स्कूलची विद्यार्थिनी सलोनी अमर शिर्के हिने क्रीडा स्पर्धेत १७ वर्षे वयोगट (मुली) योगासन क्रीडा प्रकारात उल्लेखनीय कामगिरी केली. या यशामुळे सलोनी हिची राज्यस्तरावर जिल्ह्याचे नेतृत्वासाठी निवड झाली आहे.
या स्पर्धेसाठी १३० स्पर्धकांमधून सलोनी शिर्के हिने अप्रतिम खेळाचे दर्शन घडवत राज्याच्या नेतृत्वासाठी पात्रता संपादन केली. गतवर्षी या योगकन्येची निवड राष्ट्रीय स्तरावर झाली होती व राज्याचे नेतृत्व करून यश संपादन केले होते. या स्पर्धा महाराष्ट्र शासन क्रीडा व युवक संचालनालयाच्या विद्यमाने तथा जिल्हा क्रीडा परिषद व क्रीडा अधिकारी कार्यालय रत्नागिरीमार्फत सिंधुदुर्ग येथे पार पडल्या.
