Dhananjay Munde : सरपंच संतोष देशमुख हत्याप्रकरणाचा (Santosh Deshmukh Case) मास्टरमाईंड माजी मंत्री धनंजय मुंडे (Dhananjay Munde) यांचा निकटवर्तीय वाल्मिक कराड (Walmik Karad) असल्याने विरोधकांकडून धनंजय मुंडेंच्या राजीनाम्याची मागणी केली जात होती.
संतोष देशमुख यांच्या हत्या प्रकरणाचे फोटो व्हायरल झाल्यानंतर राज्यभरात संतापाची लाट पसरली. परिणामी धनंजय मुंडे यांनी आपल्या मंत्रिपदाचा राजीनामा दिला होता. तर संतोष देशमुख हत्या प्रकरणामुळे अडचणीत आलेल्या धनंजय मुंडे यांच्यावर सरकारी बंगल्यासंदर्भात (Satpura Bungalow)आता नवी माहिती समोर आली आहे.
माजी मंत्री धनंजय मुंडे मंत्री असताना त्यांना वास्तव्यासाठी देण्यात आलेला सातपुडा बंगला पुन्हा एकदा चर्चेत आलाआहे. कारण धनंजय मुंडे यांनी साडे चार महिन्यांपूर्वी मंत्री पदाचा राजीनाम दिला. पण अद्याप शासकीय निवासस्थान सोडले नसल्याची बाब समोर आली आहे. तर या बंगल्यात वास्तव्यास येण्यासाठी राष्ट्रवादी काँग्रेस पक्षाचे ज्येष्ठ नेते छगन भुजबळ (Chhagan Bhujbal) हे प्रतीक्षेत असल्याची माहिती समोर आली आहे.
छगन भुजबळ अद्याप गृहप्रवेशाच्या प्रतिक्षेत
धनंजय मुंडे यांनी साडे चार महिन्यांपूर्वी आपल्या मंत्री पदाचा राजीनाम दिलाय. पण त्यांनी अद्याप शासकीय निवासस्थान सोडले नसल्याची बाब समोर आली आहे. मुंडेंनी 4 मार्च रोजी मंत्रिपदाचा राजीनामा दिला. त्यामुळे पुढील 15 दिवसात बंगला सोडणे अपेक्षित होते. मुंडेंच्या राजीनाम्यानंतर मंत्री पद हे छगन भुजबळांना मिळाले आणि 23 मेला सातपुडा बंगल्याचा शासकीय आदेश निघाला. पण सरकारी बंगला न मिळाल्यामुळे छगन भुजबळ अद्याप गृहप्रवेशाच्या प्रतिक्षेत आहेत. बंगला न सोडल्याने धनंजय मुंडे यांना दंड लावण्यात आला आहे आणि त्याची रक्कम आता तब्बल 42 लाखांपर्यंत पोहचली आहे. त्यामुळे याच बंगल्याच्या मुद्द्यावरूनअजितदादांच्या राष्ट्रवादी काँग्रेस पक्षाचे दोन नेते आमने-सामने आल्याची चर्चा राजकीय वर्तुळात रंगू लागलीआहे.
कोणत्या मंत्र्यांस कोणता बंगला
निवासस्थान राम शिंदे, सभापती, विधान परिषद ज्ञानेश्वरी, राहुल नावेकर, अध्यक्ष विधानसभा शिवगिरी, चंद्रशेखर बावनकुळे रामटेक, राधाकृष्ण विखे-पाटील रॉयलस्टोन, हसन मुश्रीफ (क-८) विशाळगड, चंद्रकांतदादा पाटील ब-१ सिहगड, गिरीश महाजन सेवासदन, गुलाबराव पाटील जेतवन, गणेश नाईक ब-४ पावनगड , दादा भुसे ब-३ जंजीरा, संजय राठोड शिवनेरी, धनंजय मुंडे सातपुडा, मंगलप्रभात लोढा ब-५ विजयदुर्ग, उदय सामंत मुक्तागिरी, जयकुमार रावल चित्रकूट, पंकजा मुंडे पर्णकुटी, अतुल सावे अ-३ शिवगढ़, अशोक उईके अ-९ लोहगड, शंभूराजे देसाई मेघदूत, आशिष शेलार व-२ रत्नसिषु, दत्तात्रय भरणे ब-६ सिध्दगड, अदिती तटकरे अ-५ प्रतापगड, शिवेंद्रराजे भोसले ३-७ पन्हाळगड, माणिकराव कोकाटे अंबर-२७, जयकुमार गोरे क-६ प्रचितीगड, नरहरि झिरवाळ सुरुचि ०९, संजय सावकारे अंबर-३२, संजय शिरसाठ अंबर-३८, प्रताप सरनाईक अर्वतो-५, भरत गोगावले सुरुचि ०२, मकरंद पाटील सुरुचि-०३
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:33 04-08-2025
