खेड : खेड तालुका मुख्याध्यापक संघाची कार्यकारिणीची पुनर्रचना करण्यात आली असून, अध्यक्षपदी प्रशांत खेडेकर यांची निवड करण्यात आली आहे. तालुका खेड माध्यमिक व उच्च माध्यमिक मुख्याध्यापक संघ खेड यांची सर्वसाधारण सभा एल. पी. इंग्लिश स्कूल येथे झाली. या सभेत ही निवड करण्यात आली.
नूतन कार्यकारिणीत उपाध्यक्षपदी बाळासाहेब भगत, सचिव पोपटराव जगताप, सहसचिव महेश बोधे, खजिनदार विजय बसवंत, सहखजिनदारपदी ज. अ. खालिक डांगे यांची निवड करण्यात आली. तसेच सदस्य संदीप पाटील, धनंजय नायकल, प्रकाश गं. कदम, दिगंबर शिरसाट, सविता मोरे, जिल्हा प्रतिनिधी शुभांगी कदम, अश्विनी जोशी, सुनील देशमाने, कौन्सिल सदस्य विजय बसवंत, विलास शिंदे यांची निवड करण्यात आली.
जिल्हा कार्यकारिणीवर पदाधिकारी म्हणून सत्यनारायण मिश्रा व शुभांगी कदम यांची शिफारस करण्यात आली. सल्लागारपदी राजकुमार मगदूम, अशपाक काजी, सुभाष सोनवलकर, अरुण शिंदे, विलास चोरगे, अल्ताफ नाटुस्कर यांची निवड करण्यात आली. नूतन कार्यकारिणीचे सर्वत्र अभिनंदन करण्यात येत आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:25 AM 21/Oct/2024
