पुणे : महाराष्ट्रात सुरू असलेल्या अतिवृष्टीच्या पार्श्वभूमीवर तातडीने ओला दुष्काळ जाहीर करावा, पूरग्रस्तांसाठी आर्थिक पॅकेजची घोषणा करावी, तसेच शेतकऱ्यांना संपूर्ण कर्जमाफी द्यावी, अशी मागणी राष्ट्रवादी काॅंंग्रेस शरदचंद्र पवार पक्षाच्या खासदार सुप्रिया सुळे यांनी केंद्रीय कृषिमंत्री शिवराज सिंग चौहान यांच्याकडे केली आहे.दिल्ली येथे सुप्रिया सुळे यांनी शिवराज सिंग चौहान यांची भेट घेत सदर मागणीचे पत्र त्यांना सादर केले.
या पत्रात सुप्रिया सुळे म्हणतात, गेल्या काही दिवसांपासून महाराष्ट्रात मुसळधार पाऊस पडत आहे, ज्यामुळे शेतकऱ्यांचे मोठे नुकसान झाले आहे. अनेक गावे पाण्याखाली गेली आहेत आणि जलस्रोतांमध्ये विक्रमी पाणी साचले आहे.अनेक नद्या दुथडी भरून वाहत आहेत आणि धरणे आणि इतर जलाशय ओसंडून वाहत आहेत. पाण्याच्या पातळीत अचानक वाढ झाल्याने नागरिकांना मोठा त्रास होत आहे. अनेकांना त्यांची घरे, शेती आणि घरे सोडून इतरत्र आश्रय घ्यावा लागला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:56 25-09-2025
