रत्नागिरी : नवरात्र उत्सवाच्या समाप्तीनंतर रत्नागिरीतील ऐतिहासिक रत्नदुर्ग किल्ल्यावर पारंपरिक धार्मिक विधींचा एक महत्त्वाचा भाग म्हणून श्री देवी भगवती मंदिरात होम कार्यक्रमाचे आयोजन करण्यात आले आहे. हा कार्यक्रम सोमवार, ६ ऑक्टोबर २०२५ रोजी सकाळी १० ते दुपारी २ या वेळेत पार पडणार आहे.
श्री देवी भगवती मंदिर ट्रस्टतर्फे आयोजित या कार्यक्रमात विश्वस्त, मानकरी, ग्रामस्थ तसेच भाविकांनी उपस्थित राहून धार्मिक लाभ घ्यावा, असे आवाहन करण्यात आले आहे. होम विधी हा देवीच्या उपासनेतील एक पवित्र आणि शक्तिप्रद धार्मिक विधी मानला जातो. नवरात्रात देवीची आराधना करून तिच्या कृपेची प्राप्ती करण्यासाठी भाविक मोठ्या संख्येने मंदिरात येतात. रत्नदुर्ग किल्ला हा रत्नागिरी शहराच्या पश्चिम भागात अरबी समुद्राच्या किनाऱ्यावर वसलेला एक ऐतिहासिक किल्ला असून, श्री देवी भगवती मंदिर हे भाविकांचे श्रद्धास्थान आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:04 AM 06/Oct/2025
