रत्नागिरी : कोकण रेल्वेने तिकीट तपासणी मोहिमा तीव्र केल्या आहेत आणि विनातिकीट प्रवासाविरुद्ध कडक कारवाई केली आहे. सुरक्षित आणि जबाबदार प्रवासावर लक्ष केंद्रित करत कोकण रेल्वेने आपल्या मार्गावर फुकट्या रेल्वे प्रवाशांना आळा घालण्यास सुरुवात केली आहे. या प्रयत्नांचे उद्दिष्ट तिकीट विरहित प्रवासाला आळा घालणे आणि अधिकृत प्रवाशांसाठी सुरळीत, आरामदायी प्रवास सुनिश्चित करणे आहे. नोव्हेंबर २०२५ मध्ये, कोकण रेल्वेने १,०७० विशेष तिकीट तपासणी मोहिमा राबवल्या. यामध्ये ४२,९६५ अनधिकृत तसेच अनियमित प्रवासी आढळले. यासाठी भाडे आणि दंड म्हणून रेल्वेकडून एकूण २.३३ कोटी रुपये वसूल करण्यात आले.
आढळले. जानेवारी ते नोव्हेंबर २०२५ पर्यंत एकूण ७,४८३ विशेष मोहिमा राबवण्यात आल्या, ज्यामध्ये २,९०,७८६ अनधिकृत/अनियमित प्रवासी आढळले या कालावधीत देय रेल्वे भाडे आणि दंड म्हणून १७.८३ कोटी रुपये वसूल करण्यात आले आहेत. कोकण रेल्वे सर्व प्रवाशांना प्रवास सुरू करण्यापूर्वी वैध तिकिटे खरेदी करण्याचे वेळोवेळी आवाहन करते. योग्य तिकिटाशिवाय प्रवास करणे हा दंडनीय गुन्हा आहे आणि संपूर्ण मार्गावर तिकिट तपासणी मोहिमा अधिक लक्ष केंद्रित करून सुरू ठेवल्या जाणार आहेत. सर्व अधिकृत प्रवाशांना सुरक्षित, सुरळीत आणि आरामदायी प्रवास सुनिश्चित करण्यासाठी क कोकण रेल्वे येत्या हिवाळा आणि ख्रिसमसच्या सणांच्या काळात आपल्या संपूर्ण मार्गावर तिकिट तपासणी मोहीम तीव्र करणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
04:36 PM 11/Dec/2025
