BCCI Announced Team India squad For T20 World Cup 2026 : आयसीसी पुरुष टी-20 विश्वचषक 2026 फेब्रुवारी-मार्च महिन्यात भारत आणि श्रीलंका येथे खेळवला जाणार आहे. या बहुप्रतिक्षित मेगा इव्हेंटसाठी भारतीय क्रिकेट नियामक मंडळाने (BCCI) टीम इंडियाचा 15 सदस्यीय संघ जाहीर केला आहे.
या स्पर्धेत भारतीय संघाचे नेतृत्व सूर्यकुमार यादव करणार असून, त्याच्यावर पुन्हा एकदा देशाच्या अपेक्षांचे मोठे ओझे असेल. मुंबईतील बीसीसीआय मुख्यालयात आयोजित पत्रकार परिषदेत मुख्य निवडकर्ता अजित आगरकर आणि कर्णधार सूर्यकुमार यादव यांनी संयुक्तपणे संघाची घोषणा केली. याच वेळी पुढील महिन्यात न्यूझीलंडविरुद्ध होणाऱ्या मर्यादित षटकांच्या मालिकेसाठीही भारतीय संघाची निवड जाहीर करण्यात आली.
निवड समितीने टी-20 विश्वचषकासाठी संतुलित संघाची निवड केल्याचे स्पष्ट केले. संघात अनुभव आणि युवा जोश यांचा योग्य मेळ घालण्यात आला असून, आयपीएल आणि आंतरराष्ट्रीय क्रिकेटमधील कामगिरीचा सखोल आढावा घेऊन खेळाडूंना संधी देण्यात आली आहे. वेगवान गोलंदाजी, अष्टपैलू खेळाडू आणि आक्रमक फलंदाजी यावर विशेष भर देण्यात आला आहे.
टी-20 विश्वचषक 2026 साठी टीम इंडिया (Team India squad For T20 World Cup 2026) –
- फलंदाज – सूर्यकुमार यादव (कर्णधार), अभिषेक शर्मा, तिलक वर्मा.
- यष्टीरक्षक – इशान किशन, संजू सॅमसन.
- अष्टपैलू खेळाडू – अक्षर पटेल (उपकर्णधार), हार्दिक पांड्या, शिवम दुबे.
- फिरकीपटू – वॉशिंग्टन सुंदर, कुलदीप यादव, वरुण चक्रवर्ती.
- वेगवान गोलंदाज – जसप्रीत बुमराह, अर्शदीप सिंग, हर्षित राणा.
2026 च्या टी-20 विश्वचषकासाठी टीम इंडियाचे वेळापत्रक (Team India’s Schedule for the T20 World Cup 2026)
- 7 फेब्रुवारी – विरुद्ध अमेरिका
- 12 फेब्रुवारी – विरुद्ध नामिबिया
- 15 फेब्रुवारी – विरुद्ध पाकिस्तान
- 18 फेब्रुवारी – विरुद्ध नेदरलँड्स
एकूण 20 संघ चार गटात विभागले….
उद्घाटन सामना 7 फेब्रुवारी रोजी पाकिस्तान आणि नेदरलँड्स यांच्यात खेळला जाईल, तर अंतिम सामना अहमदाबाद येथील नरेंद्र मोदी स्टेडियमवर खेळला जाईल. स्पर्धेत एकूण 20 संघ आहेत, ज्यांना चार वेगवेगळ्या गटात विभागले गेले आहे. सर्व सामने भारतातील पाच आणि श्रीलंकेतील तीन ठिकाणी खेळवले जातील.
2026 च्या टी-20 विश्वचषकासाठी ग्रुप (T20 World Cup 2026 Teams and Groups) –
- ग्रुप A : भारत, पाकिस्तान, नेदरलँड्स, नामिबिया, यूएसए
- ग्रुप B : श्रीलंका, ऑस्ट्रेलिया, झिम्बाब्वे, आयर्लंड, ओमान
- ग्रुप C : इंग्लंड, वेस्ट इंडिज, बांगलादेश, नेपाळ, इटली
- ग्रुप D : दक्षिण आफ्रिका, न्यूझीलंड, अफगाणिस्तान, यूएई, कॅनडा
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:20 20-12-2025
