Amit Shah Big Announcement on Bharat Taxi चंदीगड:केंद्रीय गृह आणि सहकार मंत्री अमित शाह यांनी मोठी घोषणा केली आहे. हरियाणा येथील पंचकुला येथे आयोजित सहकार संमेलनात बोलताना अमित शाह यांनी भारत टॅक्सी सेवा सुरु करण्यासंदर्भात घोषणा केली.
सहकारी तत्वावर आधारित अशी भारत टॅक्सीची सेवा असेल. भारत टॅक्सीद्वारे ओला उबर सारख्या खासगी कंपन्यांच्या वर्चस्वाला आव्हान देणं आणि टॅक्सीचालकांचं उत्पन्न दुप्पट करणं हे भारत टॅक्सी सेवा सुरु करण्याचं ध्येय आहे.
Amit Shah on Bharat Taxi : भारत टॅक्सी देशभरात सुरु करणार : अमित शाह
केंद्रीय गृहमंत्री अमित शाह यांनी भारत टॅक्सीमॉडेल खासगी सेवा पुरवठादारांपेक्षा वेगळं असेल असं म्हटलं.अमित शाह म्हणाले सध्या ज्या कंपन्या टॅक्सीचं काम करतात त्यात नफा मालकांकडे जातो. मात्र, भारत टॅक्सीची सर्व रक्कम आमच्या चालकांच्या खिशात जाईल. खासगी कंपन्या जिथं 20-30 टक्के कमिशन घेतात तिथं भारत टॅक्सी वाहन चालकांकडून कोणतंही कमिशन घेणार नाही, असं अमित शाह म्हणाले. प्रवासभाड्याची पूर्ण रक्कम टॅक्सी चालकाकडे राहील.
अमूल ज्या प्रकारे डेअरी क्षेत्रात छोट्या शेतकऱ्यांना सशक्त केलं आहे. त्याच प्रमाणे सहकार टॅक्सीकोऑपरेटिव्ह लिमिटेड वाहन चालकांना एका मंचावर आणेल, असं अमित शाह म्हणाले. भारत टॅक्सी सेवेचा प्रवाशांना देखील फायदेशीर ठरेल. गर्दीच्या वेळी सध्याच्या कंपन्यांकडून भाडेवाढ केली जाते. ती पद्धत यात नसेल. याशिवाय वाहन चालकांना विमा संरक्षण आणि जाहिरातीच्या माध्यमातून मिळणारी रक्कम देखील त्यांना थेट मिळेल.
भारत टॅक्सी सेवा प्रायोगित तत्त्वावर दिल्ली आणि गुजरातच्या राजकोटमध्येसुरु झाली आहे. अमित शाह यांनी ही सेवा संपूर्ण देशभरात लागू केली जाईल. येत्या दोन वर्षात ही भारताची सर्वात मोठी टॅक्सी कंपनी बनेल, असं अमित शाह म्हणाले. इफको, अमूल, नाबार्ड आणि कृभको सारख्या 8 मोठ्या सहकारी संस्थांचं भारत टॅक्सीला पाठबळ आहे.
कृभको द्वारे आयोजित संमेलनात अमित शाह यांनी हरियाणाच्या योगदानाचं कौतुक केलं. हरियाणापंजाबनं देशाची खाद्य सुरक्षा भक्कम केली. खेळाच्या माध्यमातून देशासाठी पदकं जिंकली आणि देशाचा सन्मान वाढवला, असं अमित शाह म्हणाले. हरियाणा छोटं राज्य असून देखील या राज्यातील युवक सीएपीएफ आणि सैन्य दलात मोठ्या प्राणात आहेत. अमित शाह यांनी कृषी क्षेत्राचं बजेट 2014 मध्ये 22 हजार कोटी होतं ते मोदी सरकारमध्ये 1.27 लाख कोटी झाल्याचं म्हटलं.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:38 25-12-2025
