रत्नागिरी : महाराष्ट्र लोकसेवा आयोगामार्फत घेण्यात येणारी महाराष्ट्र गट- ब (अराजपत्रित) सेवा संयुक्त पूर्व परीक्षा-२०२५ ही परीक्षा रविवारी (४ जानेवारी) शहरातील ३ उपकेंद्रांवर एक सत्रामध्ये (प्रत्यक्ष परीक्षेची वेळ सकाळी ११ ते दुपारी १२) या वेळेत घेण्यात येणार आहे. या परीक्षेसाठी एकूण ११९० उमेदवार परीक्षेस बसणार असल्याची माहिती निवासी उपजिल्हाधिकारी चंद्रकांत सूर्यवंशी यांनी दिली.
परीक्षेची बैठक व्यवस्था अशी: रा. भा. शिर्के प्रशाला, रत्नागिरी उपकेंद्रावर RT001001 ते RTO01336, पटवर्धन हायस्कूल, रत्नागिरी उपकेंद्रावर RT002001 ते RTO02360, फाटक हायस्कूल रत्नागिरी या उपकेंद्रावर RT003001 ते RT003494 बैठक व्यवस्था आहे.
परीक्षेच्या आयोजनाबाबत उमेदवारांना महत्त्वाच्या सूचना :
आयोगामार्फत आयोजित परीक्षांमध्ये कॉपीचा / गैरप्रकाराचा प्रयत्न करणाऱ्या घटनांची आयोगाने गंभीर दखल घेतली आहे. अशा प्रकरणी आयोगाकडून संबंधितावर फौजदारी व प्रशासकीय अशा दोन्ही स्वरुपाची कारवाई करण्यात आली आहे. परीक्षांसाठी आयोगाने कडक उपाययोजना केलेल्या आहेत. परीक्षा उपकेंद्रांवर उमेदवारांची आयोगाकडून नियुक्त करण्यात आलेल्या सेवा पुरवठादार संस्थेच्या कर्मचाऱ्यांकडून तपासणी (Frisking) करण्यात येणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
04:40 PM 02/Jan/2026
