वाटद खंडाळा (रत्नागिरी) प्रतिनिधी
‘साडेबावीस खेडी कुणबी समाज संघटना’ आणि ‘लोकनेते शामरावजी पेजे सामाजिक, शैक्षणिक विकास संस्था’ यांच्या संयुक्त विद्यमाने, कोकणचे लाडके नेतृत्व लोकनेते शामरावजी पेजे यांच्या १०९ व्या जयंतीचे औचित्य साधून भव्य जिल्हा परिषद गट मर्यादित रेकॉर्ड डान्स स्पर्धेचे आयोजन करण्यात आले आहे. ही स्पर्धा शुक्रवार, १७ जानेवारी २०२६ रोजी आयोजित करण्यात आली आहे.
विद्यार्थ्यांच्या कलागुणांना मिळणार व्यासपीठ
परिसरातील विद्यार्थ्यांच्या सुप्त कलागुणांना प्रोत्साहन देण्यासाठी आणि त्यांना हक्काचे व्यासपीठ मिळवून देण्यासाठी या स्पर्धेचे आयोजन करण्यात आले आहे. ही स्पर्धा वैयक्तिक आणि सांघिक अशा दोन गटात पार पडणार असून, ५ ते १८ वयोगटातील विद्यार्थी यात सहभागी होऊ शकतात.
आकर्षक बक्षिसांची लयलूट
विजेत्या स्पर्धकांसाठी रोख रक्कम आणि सन्मानचिन्ह स्वरूपात आकर्षक बक्षिसे ठेवण्यात आली आहेत:
- सांघिक गट: प्रथम १०,१०१ रुपये, द्वितीय ७,१०९ रुपये आणि तृतीय ५,१०९ रुपये.
- वैयक्तिक गट: प्रथम ५,१०९ रुपये, द्वितीय ३,१०९ रुपये आणि तृतीय २,१०९ रुपये.
तसेच सहभागी होणाऱ्या प्रत्येक विद्यार्थ्याला सहभाग प्रमाणपत्र देऊन गौरविण्यात येणार आहे.
स्पर्धेचे ठिकाण आणि वेळ
ही स्पर्धा खंडाळा-जयगड रोडवरील जिल्हा परिषद शाळा, वाटद खंडाळा येथील मागील पटांगणात सायंकाळी ७ ते १० या वेळेत पार पडेल. विशेष म्हणजे, या स्पर्धेसाठी कोणतेही प्रवेश शुल्क आकारले जाणार नाही (प्रवेश विनामूल्य).
नाव नोंदणी आणि संपर्क
स्पर्धेसाठी नाव नोंदणी करण्याची अंतिम तारीख १० जानेवारी २०२६ असून, केवळ पहिल्या २५ स्पर्धकांनाच प्राधान्य देण्यात येणार आहे. नाव नोंदणीसाठी इच्छुक विद्यार्थी किंवा शाळांनी खालील क्रमांकावर संपर्क साधण्याचे आवाहन आयोजकांनी केले आहे:
- श्री. सुजित दुर्गवळी (७५१७५४३१२२)
- श्री. नंदकुमार बेंद्रे (८३९०२११११२)
- श्री. प्रथमेश गवाणकर (७८७५३३३४०३)
परिसरातील जास्तीत जास्त विद्यार्थ्यांनी आपल्या कलाविष्काराचे सादरीकरण करण्यासाठी या स्पर्धेत सहभागी व्हावे, अशी विनंती आयोजक संस्थेच्या वतीने करण्यात आली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:12 12-01-2026
