गुहागर : तालुक्यातील तळवली येथील स्वयंभू श्री सोमनागेश्वराचा आज दिनांक 14 फेब्रुवारी पासून महाशिवरात्र महोत्सव विविध कार्यक्रमानी साजरा केला जाणार आहे. येथील स्वयंभू श्री सोमनागेश्वर देवस्थान जागृत देवस्थान असून विविध ठिकाणाहून भाविक याठिकाणी दर्शनासाठी येत असतात.दरवर्षी महाशिवरात्रीनिमित्त याठिकाणी मोठ्या उत्साहात उत्सव साजरा केला जातो.यावेळीदेखील विविध धार्मिक व सांस्कृतिक कार्यक्रमानी हा उत्सव साजरा केला जाणार आहे.
यावेळी शनिवार दिनांक 14 रोजी सकाळी 8 ते 12 मंत्रोक्त पूजा,सा.अभिषेक,दुपारी 12 वा.आरती,सायंकाळी 6 ते 8 हरिपाठ, आरती त्यानंतर छबिना व सुस्वर भजने,
रविवार दिनांक 15 रोजी मंत्रोक्त पूजा,अभिषेक, सायंकाळी 4 ते 5 शिवलीलामृत वाचन,सायं.7 ते 9 सुश्राव्य कीर्तन,त्यानंतर आरती व छबिना.तर सोमवार दिनांक 16 रोजी मंत्रोक्त पूजा,अभिषेक,दुपारी 12.30 ते 2 महाप्रसाद, रात्रौ 8 ते 9 आरती,छबिना व रात्रौ ठीक 10.30 वाजता सांस्कृतिक कार्यक्रम पार पडणार आहे. तरी या कार्यक्रमांचा भाविकांनी लाभ घ्यावा असे आवाहन स्वयंभू श्री सोमनागेश्वर देवस्थान कमिटीच्यावतीने करण्यात आले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:01 14-02-2026
