चिपळूण: चिपळूण शहरातील भटक्या कुत्र्यांचा प्रश्न गंभीर झाला असून सलग दोन दिवसात दोन धक्कादायक घटना घडल्याने नागरिकांमध्ये भीती आणि संतापाचे वातावरण आहे.
हल्ल्यांच्या घटना:
- पहिला हल्ला: शहरातील खेंड विभागातील साहिल सचिन लकेश्री या युवकावर कुत्र्यांनी हल्ला केला, ज्यात तो जखमी झाला.
- दुसरा हल्ला: पेठमाप तांबटवाडी येथे एका विद्यार्थिनीवर कुत्र्यांनी हल्ला केला, स्वतःचा बचाव करताना ती मुलगी गटारात पडून जखमी झाली.
नागरिकांनी तक्रार केली आहे की, शहरातील खेंड आणि पेठमाप परिसरात कुत्र्यांचे टोळके फिरत असून सकाळी शाळा-कॉलेजला जाणाऱ्या विद्यार्थ्यांना जीव मुठीत धरून फिरावे लागत आहे. प्रशासनाने यावर त्वरित ठोस आणि कायमस्वरूपी उपाययोजना करावी, अशी मागणी शहरवासीयांकडून होत आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:31 14-02-2026
