माखजन: संगमेश्वर तालुक्यातील सुप्रसिद्ध आणि जागृत देवस्थान असलेल्या मावळंगे गावच्या श्री देव मनोबाची यात्रा २८ फेब्रुवारी रोजी मोठ्या उत्साहात साजरी होणार आहे. फाल्गुन पौर्णिमेच्या दोन दिवस आधी होणाऱ्या या यात्रेसाठी संपूर्ण जिल्ह्यातून आणि शहरांतून भाविक मोठ्या संख्येने उपस्थित राहतात.
यात्रेचे स्वरूप आणि श्रद्धा
मावळंगे येथील मनोबा देव ‘हाकेला धावणारा’ अशी ख्याती असल्याने, अनेक भाविक येथे विविध कारणांसाठी नवस बोलतात. नवस फेडण्यासाठी आणि दर्शनासाठी या दिवशी लहानसे मावळंगे गाव भाविकांच्या गर्दीने फुलून जाते.
- वेळ: ही यात्रा २८ फेब्रुवारी रोजी दुपारी ३ ते रात्री १२ वाजेपर्यंत चालणार आहे.
- महाप्रसाद: यात्रेनिमित्त आयोजित करण्यात येणाऱ्या महाप्रसादाचा लाभ सर्व भाविकांनी घ्यावा, असे आवाहन मावळंगे ग्रामस्थ आणि मुंबई मंडळाने केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:59 20-02-2026
