मुंबई : महाराष्ट्र सरकारने महिलांसाठी खास लाडकी बहीण योजना राबवली आहे. लाडकी बहीण योजनेअंतर्गत महिलांना दर महिन्याला १५०० रुपये मिळतात. दरम्यान तिसऱ्या महिन्याचे अनुदान हे २९ सप्टेंबर रोजी दिले जाणार आहे.
आता महिलांच्या खात्यात पैसे येण्यास सुरुवात झाली आहे.
ज्या महिलांनी दुसऱ्या टप्प्यात नोंदणी केली त्यांच्या खात्यात साडेचार हजार रुपये जमा होण्यास सुरुवात झाली आहे. जुलै, ऑगस्ट आणि सप्टेंबर महिन्याचे पैसे महिलांच्या अकाउंटला जमा होत आहे. त्यामुळे आता ज्या महिलांनी पहिल्या टप्प्यात फॉर्म भरलेत त्यांच्याही अकाउंटला लवकरच १५०० रुपये जमा होणार आहेत.
मुख्यमंत्री माझी लाडकी बहीण योजनेअंतर्गत दुसऱ्या टप्प्यामध्ये तब्बल दोन लाख ३१ हजार २९४ नवीन महिलांनी अर्ज केले आहेत. मात्र, आतापर्यंत अनेक महिलांचे बँक खाते आणि आधार नंबर लिंक नसल्याने हजारो महिलांच्या खात्यात पैसे जमा झाले नाही. त्यामुळे महिलांनी लवकरात लवकर बँक अकाउंट आणि आधार नंबर लिंक करावेत.
लाडकी बहीण योजनेअंतर्गत महिलांना जुलै महिन्यात अर्ज केलेल्या महिलांना ३००० रुपये मिळाले होते. त्यानंतर आता सप्टेंबर महिन्यात अर्ज केलेल्या महिलांना ४५०० रुपये मिळणार आहेत, असं सांगण्यात येत आहे.
लाडकी बहीण योजनेचे पैसे जमा झालेत की नाही कसं चेक कराल?
लाडकी बहीण योजनेअंतर्गत जर तुमचे बँक अकाउंट आणि आधार कार्ड लिंक असेल तरच पैसे जमा होणार आहेत. त्यामुळे सर्वप्रथम तुमचे बँक अकाउंट आणि आधार कार्ड लिंक आहे की नाही हे एकदा चेक करा. तुम्ही तुमच्या ऑनलाइन बँकिंग अॅपद्वारे खात्यात पैसे आलेत की नाही ते चेक करु शकतात. ट्रान्झॅक्शन हिस्ट्रीमध्ये जाऊन पैसे आलेत की नाही ते बघू शकतात. तसेच बँकेत जाऊनदेखील पैसे जमा झालेत की नाही चेक करु शकतात.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:53 28-09-2024
