राजापूर : येथील एसटी आगारातून सकाळी सुटलेली राजापूर-सोगमवाडी बस शिवणेखुर्द येथील नाल्यामध्ये फसल्याचा प्रकार काल घडला. सुदैवाने प्रवाशांना दुखापत झाली नाही. राजापूर-सोगमवाडी (एमएच-१४-बीटी-२९९२) बस सकाळी ६.३० वा. वाजता राजापूर एसटी आगारातून सुटली. शिवणेखुर्द येथे समोरून येणाऱ्या खासगी बसला बाजू देताना एसटी येथील नाल्यात फसली.
सकाळच्या या फेरीला राजापूर शहराकडे येणारे विद्यार्थी, भाजी विक्रेते, मच्छी व्यावसायिक यांची गर्दी होती. नाल्यात अडकल्यामुळे प्रवाशांची गैरसोय झाली. हातिवले येथील विद्यार्थ्यांना महाविद्यालयात वेळेत पोचता आले नाही. ही बस परत आल्यानंतर तुळजापूरला पाठविली जाते. या घटनेमुळे तुळजापूर फेरी वेळत सोडता आली नाही. त्यामुळे प्रवाशांचा खोळंबा झाला.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:04 AM 20/Dec/2024
