Nora Fatehi In Ratnagiri : नोरा फतेहीचा एक व्लॉग सध्या चर्चेचा विषय झाला आहे. नोराने पहिल्यांदाच ट्रेनने तो देखील कोकण रेल्वेने प्रवास केला. नोरा रत्नागिरीला गेली होती, तिने तिथे आपल्या टीममधील एका सदस्याच्या लग्नात सहभाग नोंदवला.
यासाठी तिने कोकण रेल्वेचा प्रवास करण्याचा निर्णय़ घेतला. तिने आपला प्रवास दादरपासून सुरू केला. या प्रवासाचा एक छोटा व्लॉग करून तिने तो आपल्या इन्स्टाग्राम अकाऊंटवरून शेअर केला.
या व्हिडिओत ट्रेनमधील मस्ती, हळदी समारंभात केलेला दंगा आणि लग्नातील सर्व क्षण शेअर केले. नोराने बॉलीवूडमधील अनेक गाण्यांवर ठुमके देखील लगावले.
हा व्हिडिओ शेअर करताना नोरा लिहिले की, ‘हा माझा अनुप सुर्वेच्या रत्नागिरीत झालेल्या लग्न आणि हळदी समारंभाचा छोटा व्लॉग! आमच्या मागे मागे या आम्ही या लग्न सोहळ्याला ट्रेनने गेलो होतो. हा खूप चांगला अनुभव होता. दुसऱ्या पार्टमध्ये लग्नातील धमाल दाखवते आमच्या सोबत राहा.’
कोण आहे अनुप सुर्वे?
नोरा फतेही सारखी सेलिब्रेटी कोकण रेल्वेचा प्रवास करून रत्नागिरीत आली अन् हळदीपासून लग्न समारंभापर्यंत थांबली. सर्वांना आश्चर्य वाटलं असेल की असं कोणा सेलिब्रेटीचं लग्न होतं ज्याच्यासाठी नोराने इतका वेळ काढळा. कोण आहे हा अनुप सुर्वे?
अनुप सुर्वे हा नोराच्या टीममधील एक सदस्य आहे. तो गेल्या आठ वर्षापासून नोरासोबत काम करतोय. त्याच्या इन्स्टाग्राम बायोवरून अनुप हा क्रिएटिव्ह डायरेक्टर, फॅशन आणि व्यावसायिक फोटोग्राफर, व्हिडिओग्राफर आहे.
नोरासाठी अनुप लिहितो की, ‘तुझा पाठिंबा हा माझ्या कारकिर्दीसाठी एक मोठा प्रेरणास्त्रोत आहे. तुझ्यासोबत असणं कायम आनंददायी असतं. तू तुझ्या बिझी शेड्युलमधून वेळात वेळ काढून माझ्या कुटुंबाच्या आणि माझ्या आनंदात सामील होण्यासाठी आलीस याबद्दल मी आभारी आहे.’
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:15 28-12-2024
