भरणे येथील तरुणावर कारवाई; महाराष्ट्र दारूबंदी अधिनियमान्वये गुन्हा नोंद
खेड: Khed Drinking Case प्रकरणात खेड तालुक्यातील भोस्ते पुलाजवळील स्मशानभूमी परिसरात सार्वजनिक ठिकाणी बसून मद्यपान करणाऱ्या एका तरुणाविरुद्ध खेड पोलीस ठाण्यात गुन्हा दाखल करण्यात आला आहे. ही कारवाई महाराष्ट्र दारूबंदी अधिनियमाच्या कलम ८४ अन्वये करण्यात आली आहे.
पोलिसांनी दिलेल्या माहितीनुसार, ही घटना २९ ऑगस्ट रोजी सायंकाळी साडेसहा वाजेच्या सुमारास भोस्ते पुलाजवळील स्मशानभूमी परिसरात घडली. स्वप्नील शैलेंद्र जाधव (वय २८, रा. भरणे, ता. खेड) हा तरुण कोणताही मद्यपानाचा परवाना नसताना सार्वजनिक ठिकाणी उघड्यावर बसून दारू पीत असल्याचे पोलिसांच्या गस्तीदरम्यान निदर्शनास आले.
या प्रकरणी खेड पोलीस ठाण्याचे पोलीस कॉन्स्टेबल अभिजित माधव चव्हाण (वय ३०, नेमणूक खेड पोलीस ठाणे) यांनी दिलेल्या फिर्यादीवरून खेड पोलिसांत संबंधित तरुणाविरुद्ध रीतसर गुन्हा नोंदवण्यात आला आहे. सार्वजनिक ठिकाणी गैरवर्तन आणि उघड्यावर मद्यपान करणाऱ्यांविरुद्ध पोलिसांनी कडक भूमिका घेतली असून या घटनेचा पुढील तपास खेड पोलीस करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
1:52 31-08-2026
