दिल्लीतील दडपशाही आणि अभिजीत दीपके यांच्या अटकेचा तीव्र निषेध; सोमवारी महाराष्ट्रात सह्यांची मोहीम राबवणार असल्याचे संदीप देशपांडे आणि नितीन सरदेसाई यांची घोषणा
मुंबई:
MNS Protest SIR Election Commission Maharashtra च्या संदर्भात आता महाराष्ट्रातही राजकीय वातावरण तापले आहे. सध्या देशभरात आंदोलनाचे सत्र सुरू असून काँग्रेस पक्ष निवडणूक आयोगाच्या विरोधात रस्त्यावर उतरला आहे. राहुल गांधी आणि प्रियंका गांधी हे सतत एसआयआर (SIR) प्रक्रियेविरोधात आवाज उठवत आहेत. यातच आज कॉकरोच जनता पार्टीने जंतरमंतरवर आंदोलनाची हाक दिली होती, परंतु विमानातच अभिजीत दीपके यांना अटक करण्यात आली. या संपूर्ण पार्श्वभूमीवर आता महाराष्ट्र नवनिर्माण सेनेने (मनसे) आक्रमक होत राज्यव्यापी आंदोलनाची हाक दिली आहे.
संदीप देशपांडे यांचा आक्रमक पवित्रा आणि सरकारवर टीका
- सह्यांची मोहीम आणि रस्त्यावर उतरणार: “सोमवारी जागोजागी सह्यांची मोहीम करत आहोत. पुढचा आठवडा महाराष्ट्राची जनता रस्त्यावर आलेली दिसेलच. त्यासाठी आम्हाला जेलमध्ये टाका किंवा वाटेल ते करा,” असा इशारा मनसे नेते संदीप देशपांडे यांनी दिला आहे.
- पुढच्या पिढीचा सवाल: आज जर आवाज उठवला नाही तर लोकशाहीचा गळा घोटला जात होता तेव्हा तुम्ही कुठे होतात, असा प्रश्न पुढची पिढी विचार ल, असे देशपांडे म्हणाले.
- अभिजीत दीपके यांच्या अटकेचा निषेध: “अभिजित दिपके याने काय केलंय? मर्डर, रेप काय केलंय? किती दिवस आवाज दाबण्यात येईल? आज जर रोखलात तर उद्या पुन्हा आवाज उठवू,” असे म्हणत त्यांनी सरकारकडून सुरू असलेल्या दडपशाहीचा तीव्र शब्दांत निषेध केला.
नितीन सरदेसाई यांचे महत्त्वाचे मुद्दे आणि पुढील रणनीती
- सत्ताधारी पक्षाला मदत: “गेले काही दिवस आपण पाहतोय एसआयआर (SIR) मध्ये घोळ झाला आहे. मुख्य निवडणूक आयुक्त ज्ञानेश कुमार यांनी सत्ताधारी पक्षाला मदत व्हावी यासाठी हे केले आहे. मात्र, सुप्रीम कोर्टाने असे कोणतेही आदेश दिले नव्हते,” असे नितीन सरदेसाई यांनी स्पष्ट केले.
- सोमवारपासून आंदोलनाची पहिली पायरी: गर्जना मोर्चामध्ये लोकांची प्रचंड चीड दिसून आली होती. आता दिल्लीत सुरू असलेल्या विचित्र दडपशाहीविरोधात मागे न हटता सोमवारी सकाळी सर्व ठिकाणी सह्यांची मोहीम राबवली जाईल. सर्वसामान्य नागरिकांनी यात सहभाग घ्यावा, हा आंदोलनाचा पहिला टप्पा असेल, असे सरदेसाई यांनी सांगितले.
- आणीबाणी सदृश परिस्थिती: सर्वसामान्यांच्या अधिकारांवर गदा आणली जात असून यापूर्वी कधीही अशी दडपशाही बघितली नव्हती. निवडणूक आयोगाबद्दल काहीही बोलू नये अशी स्थिती निर्माण करण्यात आली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
02:07 10-10-2026
