रत्नागिरी : सार्वजनिक ठिकाणी मद्यपान करणाऱ्या सहा जणांवर गुन्हा

रत्नागिरी : शहरातील मांडवी, रत्नागिरी ते पावस जाणाऱ्या रस्त्यावरील सुरेंद्र भाटकर बिअर शॉपीच्या पाठीमागे, साळवी स्टॉप, मारुती मंदिर परिसर या सार्वजनिक ठिकाणी मद्यप्राशन करणाऱ्या सहा जणांविरोधात शहर पोलिस ठाण्यात गुन्हा दाखल करण्यात आला आहे.

ही कारवाई रविवार, १२ व सोमवार, १३ रोजी करण्यात आली. अभिजीत दिलीप सरदेसाई (वय २५, रा. हिंदू कॉलनी, रत्नागिरी), तजमुल अब्दुल हमिद हुनेरकर (वय ३८, रा. राजीवडा, रत्नागिरी), फैय्याज शब्बीर हुनेरकर (वय ४२, रा. राजिवडा, रत्नागिरी), आदित्य रविंद्र शेट्टी (वय २२, रा. साळवी स्टॉप, रत्नागिरी), अभिजित दिनेश सावंत (वय ३२, रा. शांतीनगर नाचणे, रत्नागिरी) आणि केतन अशोक खाडे (वय २५, रा. टेंभे, रत्नागिरी) अशी गुन्हा दाखल करण्यात आलेल्या सहा संशयितांची नावे आहेत.

हे सर्वजण दारु पिण्याचा कोणताही परवाना नसताना सार्वजनिक ठिकाणी मद्यप्राशन करत असताना ही कारवाई करण्यात आली. त्यांच्या विरोधात महाराष्ट्र दारुबंदी अधिनियम १९४९ कलम ६५ (ई) अन्वये गुन्हा दाखल करण्यात आला आहे. याबाबत अधिक तपास पोलिस करीत आहेत.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:16 AM 15/Jan/2025