रत्नागिरी : महाराष्ट्र राज्य माध्यमिक व उच्च माध्यमिक शिक्षण मंडळाने नुकत्याच जाहीर केलेल्या इयत्ता दहावीच्या निकालात रत्नागिरी जिल्ह्यातील शाळांनी यशाची परंपरा कायम राखली आहे. रत्नागिरी तालुक्यातील पाली येथील ‘श्री साईअनिरुद्ध एज्युकेशन संस्थे’च्या लांजा आणि पाली येथील डी. जे. सामंत इंग्लिश मीडियम स्कूलने या निकालात बाजी मारली असून, दोन्ही शाखांचा दहावीचा निकाल १०० टक्के लागला आहे. विद्यार्थ्यांच्या या नेत्रदीपक यशाबद्दल सर्वत्र कौतुक होत आहे.
लांजा शाखेत बासुरी पांचाळ प्रथम
डी. जे. सामंत इंग्लिश मीडियम स्कूलच्या लांजा शाखेतील विद्यार्थ्यांनी परीक्षेत घवघवीत यश संपादन केले आहे. यामध्ये कु. बासुरी सुधीर पांचाळ हिने तब्बल ९५.६०% गुण मिळवून शाळेत प्रथम क्रमांक पटकावला आहे.
लांजा शाखेतील इतर गुणवंत विद्यार्थी खालीलप्रमाणे:
- कु. श्रेया संदीप निवळे: ८४.४०% गुण मिळवून द्वितीय क्रमांक.
- जुवेरिया आदम रखांगी: ८०.८०% गुण मिळवून तृतीय क्रमांक.
पाली शाखेत अल्फिया खानची बाजी
दुसरीकडे, डी. जे. सामंत इंग्लिश मीडियम स्कूलच्या पाली शाखेतूनही विद्यार्थ्यांनी उत्कृष्ट कामगिरी केली आहे. या शाखेतून अल्फिया जावेद खान हिने ८३.६०% गुण प्राप्त करून शाळेत प्रथम क्रमांक मिळवला आहे.
पाली शाखेतील इतर गुणवंत विद्यार्थी खालीलप्रमाणे:
- कु. राकेश अर्जुन परमार: ८२.२०% गुण मिळवून द्वितीय क्रमांक.
- कु. आयुष उमेश कळंबटे: ८१.००% गुण मिळवून तृतीय क्रमांक.
यशस्वी विद्यार्थी व शिक्षकांवर अभिनंदनाचा वर्षाव
शाळेच्या या शंभर नंबरी निकालात विद्यार्थ्यांच्या अथक परिश्रमांसोबतच शिक्षकांचे मोलाचे मार्गदर्शन आणि पालकांचा मोठा वाटा आहे. या यशाबद्दल लांजा विद्यालयाचे मुख्याध्यापक श्री. चारुदत्त उपाध्ये, पाली विद्यालयाच्या मुख्याध्यापिका सौ. नूतन कांबळे आणि दोन्ही शाखांमधील सर्व मार्गदर्शक शिक्षकांचे विशेष कौतुक केले जात आहे.
‘श्री साईअनिरुद्ध एज्युकेशन संस्थे’चे अध्यक्ष श्री. रवींद्र ऊर्फ अण्णा सामंत यांच्यासह संस्थेचे सर्व सदस्य आणि पदाधिकाऱ्यांनी या ऐतिहासिक निकालाची दखल घेत दोन्ही शाळांमधील यशस्वी विद्यार्थी, त्यांचे पालक आणि शिक्षकांचे मनःपूर्वक अभिनंदन केले आहे. तसेच, सर्व विद्यार्थ्यांना त्यांच्या पुढील शैक्षणिक वाटचालीस आणि उज्ज्वल भविष्यासाठी भरभरून शुभेच्छा दिल्या आहेत.
