मुख्य निवडणूक आयुक्त ज्ञानेश कुमार यांच्या राजीनाम्याची मागणी; लोकशाही मूल्यांची पायमल्ली करणाऱ्या मोदी-शाह सरकारवर घणाघात
मुंबई:
Raj Thackeray Delhi CJP Protest च्या संदर्भात महाराष्ट्र नवनिर्माण सेनेचे अध्यक्ष राज ठाकरे यांनी केंद्र सरकारवर अत्यंत तीव्र शब्दांत निशाणा साधला आहे. कॉकरोच जनता पार्टीच्या वतीने देशाचे मुख्य निवडणूक आयुक्त ज्ञानेश कुमार यांच्या राजीनाम्यासाठी शनिवारपासून दिल्लीतील जंतरमंतर येथे आंदोलनाची हाक देण्यात आली होती. मात्र, हे आंदोलन हाणून पाडण्यासाठी दिल्ली पोलिसांनी इंटरनेट सेवा खंडित करणे, मेट्रो सेवा बंद करणे आणि लांब पल्ल्याच्या गाड्या रद्द करण्यासारख्या दडपशाहीच्या कारवाया केल्या. तसेच आंदोलनासाठी गेलेले अभिजीत दीपके, आशुतोष रांका, सौरभ दास आणि युट्यूबर ध्रुव राठी यांना पोलिसांनी अटक केली. या संपूर्ण प्रकारावर राज ठाकरे यांनी सोशल मीडियावर एक खरमरीत पोस्ट लिहून पंतप्रधान नरेंद्र मोदी आणि केंद्रीय गृहमंत्री अमित शाह यांना खडे बोल सुनावले आहेत.
राज ठाकरेंच्या पोस्टमधील प्रमुख मुद्दे आणि आक्रमक भूमिका
- डॉ. बाबासाहेब आंबेडकरांच्या विचारांची आठवण: नोव्हेंबर १९४९ मध्ये भारतीय राज्यघटनेचा मसुदा सादर करताना डॉ. बाबासाहेब आंबेडकरांनी, “No nation can be grateful at the cost of its liberty” हे उद्गार काढले होते. एखाद्या नेत्याच्या आंधळ्या भक्तीसाठी देशाचे स्वातंत्र्य व अभिव्यक्ती मूल्ये पणाला लावता कामा नयेत, असे राज ठाकरे यांनी म्हटले आहे.
- मोदी-शाह जोडीवर हुकूमशाहीचा आरोप: मोदी आणि शाह यांच्या मनात पराकोटीची हुकूमशाही असून, त्यांनी यंत्रणा काबीज करून मिळवलेली सत्ता मूठभर उद्योगपतींच्या हितासाठी राबवली जात आहे. सत्तेच्या या मस्तीला विरोध करणाऱ्या आंदोलकांना चिरडले जात असल्याचा संताप त्यांनी व्यक्त केला.
- आंदोलन करण्याचा मूलभूत अधिकार: भारतीय राज्यघटनेच्या कलम १९ (१) (अ) आणि (ब) नुसार नागरिकांना शांततेत निदर्शने करण्याचा पूर्ण अधिकार आहे, तो हिरावून घेणारे तुम्ही कोण, असा सवाल त्यांनी विचारला. आंदोलकांना रोखण्यासाठी रस्ते अडवणे, मेट्रो व इंटरनेट बंद करणे आणि विमानातून नेत्यांना उचलून नेणे हे लोकशाहीचे लक्षण नव्हे, असे ते म्हणाले.
- ज्ञानेश कुमार यांच्या राजीनाम्याची मागणी: निवडणूक आयोग ही एक स्वायत्त संस्था आहे. निवडणूक प्रमुखाने गोंधळ घातला असेल तर त्यांचा राजीनामा व्हायलाच हवा. माझ्या मताचा अधिकार काढून घेतला जात असल्याचा राग व्यक्त करण्याचा अधिकार नागरिकांना आहे, असे राज ठाकरेंनी नमूद केले.
- इतिहास आणि जनतेच्या शक्तीची जाणीव: मुघल, पोर्तुगीज ते ब्रिटिशांचा माज या देशाने उतरवला आहे, तिथे स्वकीयांचा माज इथली जनता उतरवल्याशिवाय राहणार नाही, असा सज्जड दम त्यांनी सत्ताधाऱ्यांना दिला. सरकारकडे मॅच्युरिटीची अपेक्षा असून आंदोलन करण्याचा अधिकार अबाधित राहिलाच पाहिजे, असे त्यांनी स्पष्ट केले.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
03:52 10-10-2026
