शाळा सुटल्यानंतर मित्रासोबत पोहायला गेला असता घडली दुर्घटना
Golap Ratnagiri Drowning News अंतर्गत मित्रासोबत नदीत पोहण्यासाठी गेलेल्या एका १२ वर्षीय शाळकरी विद्यार्थ्याचा पाण्यात बुडून दुर्दैवी मृत्यू झाल्याची हृदयद्रावक घटना घडली आहे. ही घटना गुरुवारी (१३ ऑगस्ट) सायंकाळी रत्नागिरी तालुक्यातील गोळप पंचशीलनगर येथे घडली. आर्यन संतोष पालकर (वय १२) असे मृत विद्यार्थ्याचे नाव असून, तो इयत्ता सहावीच्या वर्गात शिकत होता. या अपघातामुळे गोळप परिसरावर शोककळा पसरली आहे.
मिळालेल्या माहितीनुसार, गुरुवारी नेहमीप्रमाणे शाळा सुटल्यानंतर आर्यन घरी परतला होता. त्यानंतर सायंकाळी साडेपाचच्या सुमारास तो त्याचा मित्र सार्थक पालकर याच्यासोबत घराजवळ वाहणाऱ्या नदीवर पोहण्यासाठी गेला. पोहत असताना पाण्याचा योग्य अंदाज न आल्यामुळे आर्यन अचानक पाण्यात बुडू लागला.
Golap Ratnagiri Drowning News: पूर्णगड सागरी पोलीस ठाण्यात घटनेची नोंद
आर्यनने स्वतःचा जीव वाचवण्यासाठी आरडाओरड केल्यावर त्याचा आवाज ऐकून स्थानिक नागरिकांनी तातडीने नदीकडे धाव घेतली. उपस्थितांनी शर्थीचे प्रयत्न करून सायंकाळी साडेसहा वाजण्याच्या सुमारास आर्यनला पाण्याबाहेर काढले.
त्यानंतर त्याला तात्काळ रत्नागिरीतील जिल्हा शासकीय रुग्णालयात उपचारासाठी हलवण्यात आले; मात्र उपचारादरम्यान रात्री सुमारे ९.२० वाजण्याच्या सुमारास वैद्यकीय अधिकाऱ्यांनी त्याला तपासून मृत घोषित केले.
या घटनेची अधिकृत नोंद पूर्णगड सागरी पोलीस ठाण्यात आकस्मिक मृत्यू (Accidental Death) म्हणून करण्यात आली आहे. अवघ्या १२ वर्षांच्या बालकाचा असा अचानक दुर्दैवी अंत झाल्याने संपूर्ण गोळप परिसरातून अत्यंत हळहळ व्यक्त केली जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:30 15-08-2026
