गुहागर मतदारसंघातील रामरक्षा व महाआरती कार्यक्रमात ठाकरे शिवसेनेच्या नेत्यांचा भाजपवर हल्लाबोल
Ayodhya Ram Mandir Misconduct Criticism प्रकरणी प्रभू श्रीरामांच्या नावाचा वापर करून भाजपने सत्ता मिळवली; मात्र त्यांची श्रद्धा प्रभू रामचंद्रांवर किंवा हिंदुत्वावर नसून केवळ मतांवर असल्याचा गंभीर आरोप ठाकरे शिवसेनेचे नेते तथा आमदार भास्कर जाधव यांनी केला आहे. राम मंदिराच्या उभारणीचे सगळे श्रेय जर भाजप घेत असेल, तर मंदिरात झालेल्या कथित हजारो कोटींच्या चोरीची आणि गैरव्यवहाराची जबाबदारीही भाजपनेच स्वीकारली पाहिजे, असा थेट सवालही त्यांनी उपस्थित केला.
गुहागर मतदारसंघात रामरक्षा व महाआरतीचा उपक्रम
- आयोजन: शिवसेना (उद्धव बाळासाहेब ठाकरे) पक्षाचे जिल्हाप्रमुख विक्रांत जाधव यांच्या पुढाकाराने गुहागर मतदारसंघात विविध गावांमध्ये रामरक्षा पठण व महाआरती कार्यक्रमांचे आयोजन करण्यात येत आहे.
- भाविकांचा प्रतिसाद: चिपळूण तालुक्यातील रामपूर, खरवते, गांग्रई; खेड तालुक्यातील चोरवणे, धामणंद; तसेच गुहागर तालुक्यातील असगोली, नवानगर, पालपेणे, मुसलोंडी, पिंपर आदी ठिकाणी झालेल्या या कार्यक्रमांना भाविकांची मोठी गर्दी उसळली होती.
- धर्माचार्यांच्या अवहेलनाचा आरोप: राम मंदिराच्या उद्घाटनाला अभिनेत्यांना आमंत्रित केले गेले; परंतु चारही धर्मपीठांच्या एकाही शंकराचार्यांना बोलावले गेले नाही, असा आरोप आ. जाधव यांनी केला.
- ऐतिहासिक घटनांचा उल्लेख: १९९६ ते २००४ या काळात भाजपने राम मंदिरासाठी अध्यादेश (वटहुकूम) काढला नव्हता, तर अखेर न्यायालयाच्या निर्णयानेच मंदिराचा मार्ग मोकळा झाला. तत्कालीन पंतप्रधान स्व. राजीव गांधी यांनी श्रीरामांची पूजा करण्यास परवानगी दिली होती, ही बाब भाजप लपवत असल्याचेही त्यांनी नमूद केले.
सर्वपक्षीय योगदानाचा विसर पडल्याची टीका
राम मंदिराच्या उभारणीत हिंदूंसह मुस्लिम आणि सर्व धर्मीय नागरिकांनी आर्थिक व नैतिक योगदान दिले होते. मात्र, श्रेय घेताना भाजपने सर्वांना बाजूला सारल्याची टीका आ. भास्कर जाधव यांनी केली.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:56 21-08-2026
