भारतीय न्यायसंहितेनुसार गुन्हा दाखल
रत्नागिरी:
Traffic Obstruction Case in Jaigad संदर्भात मिळालेल्या माहितीनुसार, रत्नागिरी तालुक्यातील जयगड ते खंडाळा जाणाऱ्या रस्त्यावर वाहतुकीस अडथळा व धोका निर्माण होईल अशा पद्धतीने दुचाकी उभी केल्याप्रकरणी एका दुचाकी चालकाविरोधात जयगड पोलीस ठाण्यात गुन्हा दाखल करण्यात आला आहे. ही कारवाई ३१ ऑगस्ट रोजी रात्री ९.१५ वाजनाच्या सुमारास करण्यात आली. साकीब हुसैन सय्यद (वय ३३, रा. दखनी मोहल्ला जयगड, रत्नागिरी) असे गुन्हा दाखल करण्यात आलेल्या संशयित दुचाकी चालकाचे नाव आहे.
ऊर्जा हॉस्पिटलसमोरील घटना
सोमवारी रात्री संशयिताने आपल्या ताब्यातील दुचाकी (एमएच-०८-बीबी-६९०१) ही जयगड ते खंडाळा जाणाऱ्या रस्त्यावर असलेल्या ऊर्जा हॉस्पिटलच्या समोर उभी केली होती. ही दुचाकी इतर वाहतुकीला अडथळा आणि धोका निर्माण होईल अशा पद्धतीने रस्त्यात उभी करण्यात आल्याचे पोलिसांच्या निदर्शनास आले.
भारतीय न्यायसंहितेनुसार गुन्हा दाखल
सार्वजनिक रस्त्यावर वाहतुकीस अडथळा आणल्याप्रकरणी जयगड पोलिसांनी तातडीने कारवाई करत संशयिताविरोधात गुन्हा नोंदवला आहे. त्याच्या विरोधात भारतीय न्यायसंहिता अधिनियम २०२३ चे कलम २८५ प्रमाणे तसेच भादंवि कायदा कलम २८६ प्रमाणे गुन्हा दाखल करण्यात आला असून पोलीस या प्रकरणाचा अधिक तपास करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:43 02-09-2026
