PM Narendra Modi Cabinet: ‘विकसित भारत २०४७’ व योजनांच्या अंमलबजावणीवर भर; पंतप्रधान मोदींच्या अध्यक्षतेखाली मंत्रिमंडळाची बैठक

PM Narendra Modi Cabinet: 'विकसित भारत २०४७' व योजनांच्या अंमलबजावणीवर भर; पंतप्रधान मोदींच्या अध्यक्षतेखाली मंत्रिमंडळाची बैठक

बैठकीत साडेतीन तास मंथन; फिलीपिन्स दौऱ्यानंतर मंत्र्यांना थेट लाभ पोहोचवण्याच्या सूचना

PM Narendra Modi Cabinet बैठकीच्या माध्यमातून पंतप्रधान नरेंद्र मोदी यांच्या अध्यक्षतेखाली नवी दिल्लीतील भारत मंडपम येथे बुधवारी केंद्रीय मंत्रिमंडळाची महत्त्वपूर्ण बैठक संपन्न झाली. सुमारे साडेतीन तास चाललेल्या या बैठकीत पंतप्रधान मोदींनी सर्व विभागांतील मंत्र्यांना महत्त्वाच्या सूचना देत सर्व योजनांच्या केंद्रस्थानी जनतेला ठेवून काम करण्याचे आवाहन केले. सरकारी योजनांचे लाभ देशातील नागरिकांपर्यंत थेट आणि सहजपणे पोहोचतील, याची खात्री करण्यावर विशेष लक्ष केंद्रित करावे, असे त्यांनी नमूद केले. तसेच सप्टेंबरमध्ये झालेल्या बैठकीत तयार करण्यात आलेल्या योजनेवरही त्यांनी अभिप्राय घेतला.

फिलीपिन्सची राजधानी मनिला येथे १६ ते १७ नोव्हेंबर दरम्यान झालेल्या ४९ व्या आसियान शिखर परिषदेत सहभागी झाल्यानंतर नवी दिल्लीत परतताच काही तासांतच पंतप्रधान मोदींनी ही बैठक घेतली. फिलीपिन्स दौऱ्यावरून परतल्यानंतरची ही संपूर्ण मंत्रिमंडळाची पहिलीच बैठक ठरली. यामध्ये मागील बैठकीपासून झालेल्या प्रगतीचा, प्रलंबित कामांचा आणि योजनांच्या सद्यःस्थितीचा आढावा घेण्यासोबतच भविष्यातील धोरणे व सरकारच्या प्रमुख प्राधान्यक्रमांवर सविस्तर चर्चा झाली.

PM Narendra Modi Cabinet: शेवटच्या व्यक्तीपर्यंत लाभ आणि ‘विकसित भारत २०४७’ चा आढावा
सप्टेंबरमधील चिंतन शिबिरादरम्यान मंत्र्यांना सोपवण्यात आलेल्या जबाबदाऱ्या व उद्दिष्टांवर आतापर्यंत झालेल्या प्रगतीचा या बैठकीत आढावा घेण्यात आला. गरिबी निर्मूलन आणि डाव्या विचारसरणीच्या अतिरेकीपणाचे निर्मूलन यांसह सरकारच्या प्राधान्यक्रमांवरील तीन सादरीकरणांमधून प्रमुख योजनांची स्थिती तपासण्यात आली. सुशासनाची उद्दिष्टे केवळ कागदावर न राहता योजनांचे लाभ शेवटच्या व्यक्तीपर्यंत पोहोचावेत, हा या बैठकीचा मुख्य उद्देश होता.

Radhakrushna patapedhi

‘विकसित भारत २०४७’ चा आराखडा या बैठकीच्या केंद्रस्थानी राहिला. सप्टेंबरमधील चिंतन शिबिराचा भाग असलेल्या बैठकीतही ‘विकसित भारत २०४७’ वर भर देण्यात आला होता आणि त्यानंतर ‘व्हिजन @ २०४७’ साठी अल्पकालीन व दीर्घकालीन आराखडे तयार करण्यासाठी सचिवांचे १० क्षेत्रीय गट स्थापन करण्यात आले होते. विविध हितधारकांशी व्यापक सल्लामसलत झाल्यानंतर बुधवारी या आराखड्याच्या प्रगतीचा आढावा घेतला गेला. सप्टेंबरपासून या दिशेने किती काम झाले आहे आणि २०४७ चे लक्ष्य वेळेवर पूर्ण करण्यासाठी कोणती कामे बाकी आहेत, यावर विशेष लक्ष केंद्रित करून चर्चा करण्यात आली.