रत्नागिरी : रत्नागिरी जिल्हा कौशल्य विकास, रोजगार व उद्योजकता मार्गदर्शन केंद्राने जिल्ह्यातील बेरोजगार उमेदवारांना विविध क्षेत्रात रोजगाराच्या संधी उपलब्ध करून देण्याच्या दृष्टीने येत्या २४ फेब्रुवारीला पंडित दीनदयाळ उपाध्याय मेळाव्याचे आयोजन केले आहे.
रत्नागिरीत जिल्हा माध्यमिक शाळा सेवक सहकारी पतपेढीच्या सभागृहात सकाळी १० वाजता मेळावा सुरू होईल.
जिल्ह्यातील इच्छुक उमेदवारांनी रोजगार संधीचा लाभ घेण्यासाठी त्यांची नोंदणी या विभागाच्या www.mahaswayam.gov.in पोर्टलवर करावी, असे आवाहन कौशल्य विकास, रोजगार व उद्योजकताच्या सहाय्यक आयुक्त इनुजा शेख यांनी केले आहे.
नोंदणीकृत असलेल्या सर्व उमेदवारांनी त्यांचे प्रोफाइल अद्ययावत करावे. नोंदणी केलल्या उमेदवारांनी त्यांच्याकडील युझर आयडी व पासवर्डच्या साह्याने २४ फेब्रुवारी रोजी पंडित दीनदयाल उपाध्याय रोजगार मेळाव्यात ऑनलाइन अर्ज करून मुलाखतीकरीता त्यांचा बायोडाटा व इतर आवश्यक शैक्षणिक कागदपत्रांच्या प्रतींसह प्रत्यक्ष उपस्थित राहावे. रोजगार मेळाव्यामध्ये सहभागी होण्यासाठी आपली नोंदणी नसल्यास कृपया या कार्यालयाकडे त्वरित संपर्क साधून नोंदणी करावी व रोजगार मेळाव्यात सहभागी होऊन रोजगार संधीचा लाभ घ्यावा, असे आवाहनही करण्यात आले आहे.
अधिक माहितीसाठी कार्यालयाच्या (०२३५२) २२१४७८ किंवा २९९३८५ या दूरध्वनी क्रमांकावर संपर्क साधावा.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:52 15-02-2025
